Í áfanganum verður farið yfir helstu kenningar innan félagsfræðinnar svo nemendur öðlist dýpri skilning á þeim og geti beitt þeim við túlkun og greiningu á samfélaginu. Farið verður yfir helstu frumkvöðla og rannsóknaraðferðir greinarinnar. Bornar verða saman eigindlegar og megindlegar rannsóknir og tengsl þeirra við kenningar. Einnig verður farið yfir hugtök eins og tilgáta, kenning og póstmódernismi.
FÉLV1SF06
Nemandi skal hafa öðlast þekkingu og skilning á:
helstu kenningum innan félagsfræðinnar: samvirkni-, átaka-, og samskiptakenningmu
helstu frumkvöðlum innan félagsfræðinnar
megindlegum og eigindlegum rannsóknaraðferðum
helstu hugtökum félagsfræðinnar
Nemandi skal hafa öðlast leikni í að:
beita félagsfræðikenningum á mismunandi viðfangsefni samfélagsins
beita aðferðum félagsfræðinnar
fjalla um og bera saman kenningar
tengja saman rannsóknarniðurstöður og kenningar
beita félagsfræðilegu innsæi
beita hugtökum á mismunandi viðfangsefni
taka fræðilega afstöðu til samfélagslegra álitamála
Nemandi skal geta hagnýtt þá almennu þekkingu og leikni sem hann hefur aflað sér til að:
beita félagsfræðilegum kenningum á tiltekna þætti samfélagsins
kynna sér tiltekið félagsfræðilegt rannsóknarefni
geta lagt mat á rannsóknir í félagsvísindum
leggja mat á hvaða rannsóknaraðferðir henta best við mismunandi aðstæður og á mismunandi rannsóknarefni
vinna sjálfstætt og í samvinnu við aðra á gagnrýninn hátt
Þekkingin er metin með lokaprófi, stuttum prófum og verkefnum sem bæði eru unnin í tímum og heima.
Leiknin er metin út frá vinnubrögðum við notkun heimilda, samningi eigin texta, skilningi á lesnum texta og jafningjamati.
Hæfnin er metin út frá þátttöku og árangri í samræðum, rökræðum og skoðanaskiptum við jafningja og kennara, hvernig nemendum gengur að miðla efni til jafningja sinna og sjálfsmati nemenda.