SI-einingakerfið, markverðir stafir, óvissur í mælistærðum, meðferð óvissu, flatarmál, rúmmál og eðlismassi. Hraði og hröðun, staðsetning í hnitakerfi og færsla, hreyfijöfnur, hreyfing í einni vídd, þyngdarhröðun og fall í þyngdarsviði. Hraði og ferð, vektorframsetning. Kraftar og þrjú lögmál Newtons, samlagning krafta, togkraftur í bandi, þyngdarkrafturinn, dregið undir horni. Núningskraftar, heildarkraftur og kraftar á skáfleti, þverkraftur. Tengsl krafta og vinnu og vinnu og orku, stöðu- og hreyfiorka og ýmis dæmi þar um. Orkulögmálið og orkutap vegna núnings, afl og afköst véla. Skriðþungi og árekstrar, varðveislulögmál í árekstrum, fjaðrandi og ófjaðrandi árekstrar, orkubreytingar í árekstrum. Atlag krafts og innri og ytri kraftar. Þrýstingur, skilgreining hans, þrýstingur í vökvum og uppdrifskraftur, lögmál Arkimedesar. Loftþrýstingur og breyting hans með hæð, flotjafnvægi, rennslisjöfnur.
EÐLI2EU03 og 10 fein í stærðfræði á 2. þrepi.
Nemandi skal hafa öðlast þekkingu og skilning á:
helstu reglum um markverða stafi og óvissu í mælingum.
gera sér grein fyrir óvissu í tilraunum og hvernig þær koma fram.
hreyfijöfnum og hvenær þær gilda
lögmálum Newtons og skilja við hvaða tilvik þau eiga
áhrifum núnings á hreyfingu og orku
stöðu-, hreyfi- og núningsorku og vita hvernig uppruni þeirra er
skriðþungalögmálinu og vita forsendur þess
muninum á fjaðrandi og ófjaðrandi árekstri
lögmálinu um uppdrifskraft í vökvum
hagnýtingu lyftikraftsins
Nemandi skal hafa öðlast leikni í að:
vinna með jöfnur áfangans
leysa ákveðinn fjölda verkefna á tilteknum tíma
vinna með tilraunaupppsetningu og úrvinnslu mælinga
sjá fyrir sér hvaða lögmál er að verki í tilteknu verkefni og sjá verkefnið myndrænt fyrir sér
vinna með talnaútreikninga, einingar og vanda framsetningu verkefna
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér áður áunna þekkingu úr reikningi við lausn verkefna
greina á milli hvaða kraftar eru að verki í tilteknu verkefni
álykta um hvaða þættir séu að verki við ákveðnar aðstæður
setja upp verkefni og bæði greina það og leysa
útskýra meginþætti verkefnis fyrir öðrum og hvernig eigi að leysa það
tengja námsefni áfangans við umhverfi sitt og daglegt líf
sjá mikilvægi eðlisfræðinnar fyrir vísindalega hugsun og sem undirbúning undir frekara nám
Námsmat er fjölbreytt og tekur mið af þekkingar-, leikni- og hæfniviðmiðum með skilaverkefnum, tilraunum og verkefnum úr þeim. Annarpróf og lokapróf. Einnig er ástundun og virkni nemenda í tímum metin til einkunnar. Nemendur vinna bæði sjálfstætt og í hópum og lögð er áhersla á sjálfstæð vinnubrögð og virkni í tímum og að nemendur undirbúi sig fyrir tíma.