Varmafræði, hringhreyfing, kasthreyfing, snúningur, sveifluhreyfing og bylgjur
Samþykkt af skóla
3
5
FB
Hreyfing sameinda í gasi, gasjafnan, hraðadreifing sameinda og meðalhraði. Varmafræði, bráðnun, hitun og uppgufun, varmaskipti, bræðslu- og suðumark, hitakvarðar, alkul. Hreyfijöfnur fyrir skákast, kastlengd og lendingarhraði. Hringhreyfing, hornhraði og hröðun í hringhreyfingu, útleiðsla með diffrun,vektorframsetning. Snúningur stinnra hluta, hverfitregða og kraftvægi, hverfiþungi og varðveisla hans, snúningsorka og samanburður við hreyfiorku. Sveifluhreyfing, miðlægur kraftur, pendúlsveifla og sveifla vagns í gormi, útslag og sveiflutími, dempaðar sveiflur. Bylgjuhreyfing, tíðni, hraði og bylgjulengd, hreyfing efnisagna. Þverbylgjur og langbylgjur, hljóðbylgjur og vatnsbylgjur. Endurkast og samlagning bylgna, staðbylgjur á streng og í loftsúlu, hagnýting þeirra í hljóðfærum. Heyrnin og hljóð, desíbelkvarðinn, skyn- og hljóðstyrkur. Ljósið sem bylgja, bylgjulengd og litrófið, raufagler og samliðun ljósbylgna, hraði, tíðni og orka.
EÐLI2AO05
Nemandi skal hafa öðlast þekkingu og skilning á:
helstu atriðum úr varmafræði
hvaða lögmál gilda um hreyfingu í plani
hvað greinir á milli hringhreyfingar og línulegrar hreyfingar
helstu lögmálum sem gilda um snúningshreyfingu
lögmálinu um hverfiþunga og gera sér grein fyrir mikilvægi þess
pendúlsveiflu og miðlægum krafti
grunnhugtökum bylgjuhreyfingar
hvernig staðbylgjur eru hagnýttar t.d. í hljóðfærum
samliðun ljósbylgna og hvernig litrófið kemur fram
Nemandi skal hafa öðlast leikni í að:
vinna með jöfnur og lögmál áfangans
leysa ákveðinn fjölda verkefna á tilteknum tíma
vinna við framkvæmd tilrauna og við úrvinnslu mælinga, meta óvissur og geta reiknað með óvissu í tilraunum
meta hvort niðurstaða verkefnis sé raunhæf eða ekki
sjá fyrir sér hvaða lögmál er að verki í tilteknu verkefni
leiða út viss lögmál áfangans
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér áður áunna þekkingu úr stærðfræði
álykta um hvaða lögmál séu að verki við ákveðnar aðstæður
setja upp verkefni og bæði greina það og leysa
geta útskýrt meginþætti verkefnis fyrir öðrum og hvernig eigi að leysa það
sjá hvernig viss efnisatriði eru nátengd öðrum, t.d. sveiflu- og bylgjuhreyfing, hreyfing sameinda og orka
tengja námsefni áfangans við umhverfi sitt
lesa og skilja texta vísindalegs eðlis sem gerir töluverðar kröfur um skilning
skilja mikilvægi eðlisfræðinnar fyrir vísindalega hugsun og sem undirbúning undir frekara nám í raungreinum
Námsmat er fjölbreytt og tekur mið af þekkingar-, leikni- og hæfniviðmiðum með skilaverkefnum, tilraunum og verkefnum úr þeim. Annarpróf og lokapróf. Einnig er ástundun og virkni nemenda í tímum metin til einkunnar. Nemendur vinna bæði sjálfstætt og í hópum og lögð er áhersla á sjálfstæð vinnubrögð og virkni í tímum og að nemendur undirbúi sig fyrir tíma.