Það kom upp villa senda inn  Áfangi

    Áfangi Nánari upplýsingar


    Búið til: 1430923813.59

    Fjölmiðlaheimurinn og hagnýt fjölmiðlun
    FJÖL2FH05(FB)
    9
    fjölmiðlafræði
    Fjölmiðlaheimurinn og hagnýt fjölmiðlun
    Samþykkt af skóla
    2
    5
    FB
    Saga fjölmiðlunar er kynnt og fjallað er um margvísleg áhrif fjölmiðla á samfélagið og hlutverk þeirra í félagsmótun einstaklinga. Lögð er áhersla á fjölbreytt og skapandi verkefni þar sem nemendur vinna sitt eigið fjölmiðlaefni í samhengi við ólíkar gerðir miðlunar. Einnig að nemendur séu færir um að greina áhrif fjölmiðla og tileinki sér aðferðir við frétta- og greinaskrif. Varpað er ljósi á ólík störf og fjölbreytta starfsmöguleika innan fjölmiðla og fjölmiðlafyrirtæki heimsótt. Fjallað er um aukið vægi samfélagsmiðla í fjölmiðlum í dag sbr. facebook, twitter og youtube og rætt um möguleg áhrif þess og afleiðingar.
    FELV1SF06
    Nemandi skal hafa öðlast þekkingu og skilning á:
    • hlutverki fjölmiðla í samfélaginu og þeim öflum sem móta þá
    • meginþáttum í sögu fjölmiðlunar á Íslandi
    • hvernig fréttir verða til og hvernig fjölmiðlafólk meðhöndlar þær upplýsingar sem valdar eru til birtingar
    • þætti fjölmiðla í félagsmótun einstaklinga og áhrifum þeirra á sjálfsmynd einstaklinga, viðhorf og hegðun
    • hlutverki fjölmiðla sem „fjórða valdið“
    • mikilvægum lögum og reglum um starfsemi fjölmiðla
    Nemandi skal hafa öðlast leikni í að:
    • beita gagnrýninni hugsun gagnvart efni fjölmiðla
    • greina á milli hlutlægs og hlutdrægs fréttaflutnings
    • setja fram eigið efni með tilliti til ólíkra fjölmiðla
    • setja fram niðurstöður á fjölbreyttan hátt
    • beita ákveðnum aðferðum við frétta- og greinaskrif og kunni skil á ýmsum aðferðum viðtalstækni
    Nemandi skal geta hagnýtt þá almennu þekkingu og leikni sem hann hefur aflað sér til að:
    • leggja eigið mat á boðskap og efni fjölmiðla
    • meta siðferðisleg álitamál út frá opinberum reglum um fjölmiðla
    • afla heimilda eftir ýmsum leiðum og setja fram eigið efni í samhengi við ólíkar tegundir fjölmiðla
    • geta tekið þátt í umræðum og skoðanaskiptum með jafningjum um fjölmiðla, áhrif þeirra og hlutverk í samfélaginu
    Áfanginn er símats áfangi. Þekkingin er metin með hlutaprófum og fjölbreyttri verkefnavinnu sem að mestu leyti er unnin í kennslustundum. Leiknin er metin út frá vinnubrögðum við heimildaöflun, skilningi á viðfangsefninu og því hvernig nemandi tileinar sér aðferðir við framsetningu fjölmiðlaefnis. Hæfnin er metin úr frá þátttöku, skoðanaskiptum og rökræðu við jafninga og kennara. Ásamt færni í því að leggja mat á stöðu og efni fjölmiðla.