Tölvuteikniforrit, laser- og vínilskerar og þrívíddarprentari
Samþykkt af skóla
2
5
FB
Að kynnast möguleikum starfrænnar tækni, frjáls hugbúnaðar, Fab Lab smiðju og að geta notað tækni 21. aldarinnar með starfrænum framleiðsluaðferðum. Nemendur kynnast áhöldum smiðjunnar í gegnum verkefni sem boðið er upp á. Kennt er á frí tvívíddar og þrívíddar teikniforrit sem henta fyrir hönnun og auka nýsköpun. Verkefni eru síðan framkvæmd í tölvustýrðum laserskera, vínylskera og þrívíddar prentara. Nemandinn öðlast færni til að virkja sköpunarkraft sinn og koma þeirri þróun í framkvæmd í FabLab-smiðju.
Nemandi skal hafa öðlast þekkingu og skilning á:
FabLab-smiðju
stafrænni framleiðslutækni
tvívíddar og þrívíddarhönnun, teikningum
frjálsum hugbúnaði fyrir tvívíddar- og þrvíddarhönnun
hönnun og framleiðsluferli á 21. öldinni
3D prentara
vínylskera
hitapressu
3D skönnun
3D prentara
skrásetningu á ferli
Nemandi skal hafa öðlast leikni í að:
setja upp frjálsan hugbúnað
nota stafrænan tækjabúnað við hönnun
útbúa rafræn skjöl fyrir vélar í Fab Lab
nota laserskurðartæki við hönnun
nota vínylskera og hitapressu
skanna í 3D og prenta í þrívíddarprentara
Nemandi skal geta hagnýtt þá almennu þekkingu og leikni sem hann hefur aflað sér til að:
geta sett upp hugbúnað fyrir stafræna hönnun
geta notað 3D skanna, vínylskera, laserskera og 3D prentara í hönnun
lesa og vinna eftir leiðbeiningum
þróa hugmyndir sjálfstætt og undir leiðsögn
skrá ferli, meta og rökstyðja vinnu sína
geta hannað, teiknað og framleitt eigin afurð
Áfanginn er símatsáfangi. Námsmat byggist upp á mati kennara, sjálfsmati nemenda og jafningjamati.Við námsmat er horft til verklags, vandvirkni, frágangs, ígrundunar, rökstuðnings og þátttöku í kynningum á eigin verkum og annarra.
Þá er í áfanganum unnið lokaverkefni sem metið er eftir frumleika, notkun grunnreglna, efnisvali og aðferðum.