Þessi áfangi miðast við A2 og B1 í sjálfsmatsramma Evrópsku tungumálamöppunnar.
Í áfanganum er lokið við innlögn grunnþátta málkerfisins og viðfangsefni fyrri áfanga eru rifjuð upp. Áfram er unnið að aukinni færni nemenda í lesskilningi, tali, hlustun og ritun og meiri áhersla lögð á menningu og sögu Spánar og Rómönsku Ameríku. Meginmarkmiðið er að auka og bæta orðaforða og tjáningarhæfni í spænsku og efla sjálfstæð vinnubrögð nemenda í tungumálanáminu. Lokið er við yfirferð helstu atriða í spænskri málfræði. Nemendur þjálfast í lesskilningi og lesa léttlestrarbók og rauntexta á spænsku bæði sögur og greinar. Einnig þjálfast þau í að skrifa lengri texta en áður. Námsefnið er fjölbreytt, bækur, tónlist, myndbönd, leikir og ýmislegt efni af internetinu til að komast nær spænskumælandi menningarheimi og efla menningarlæsi nemenda.
SPÆN 1 CC 05
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná leikni- og hæfnimarkmiðum áfangans
grundvallarþáttum spænsks málkerfis svo sem framburði, tónfalli og flóknari málfræðiatriðum
notkun tungumálsins til að mæta hæfniviðmiðum áfangans bæði munnlega og skriflega
Nemandi skal hafa öðlast leikni í að:
lesa og skilja ýmsa texta sem tengjast eigin áhugasviði eða texta um almennt og sérhæfðara efni sem fjallað er um í áfanganum og beita viðeigandi aðferðum eftir því hver tilgangurinn er með lestrinum hverju sinni
fylgjast með og taka þátt í almennum samræðum um efni sem hann þekkir eða hefur kynnt sér
fylgjast með frásögnum eða samtölum um almenn efni eða sérhæfðari málefni sem hann þekkir þar sem talað er skýrt og áheyrilega
fylgja söguþræði í einföldum eða einfölduðum bókmenntatextum
skilja stuttar greinar og texta og geta fjallað um þær munnlega og skriflega
halda kynningu á undirbúnu efni með því að beita orðaforða, setningagerð og framburði á sem réttastan hátt
nota upplýsingatækni og hjálpargögn í tungumálanámi
skrifa samfellda texta um ýmis efni sem hann þekkir, t.d. útdrætti og óformleg sendibréf og fylgja grundvallarreglum sem gilda um ritað mál og nota viðeigandi málfar
tjá sig í mæltu og rituðu máli, sýna fram á skilning á formgerð og byggingu texta og sé meðvitaðri en áður um muninn á þessum málsniðum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja frásagnir og ná aðalatriðum úr fjöl- og myndmiðlum ef efnið er kunnuglegt
afla sér upplýsinga, greina helstu atriði þeirra og hagnýta sér í náminu
tjá sig um þjóðfélagsleg og menningarleg málefni
nýta nýjan orðaforða bæði munnlega og skriflega
auka meðvitund um eigin færni í tungumálinu og eigin leiðir til að tileinka sér málið
miðla efni sem hann hefur aflað sér þekkingar á í ræðu og riti
skrifa um ýmis málefni og atburði, ímyndaða eða raunverulega
skrifa samantekt byggða á tilteknu efni, s.s. kvikmynd, blaðagrein eða sögu
miðla eigin skoðunum og tilfinningum sem og persónulegri reynslu, vonum og væntingum
takast á við margvíslegar aðstæður í almennum samskiptum, beita viðeigandi mál- og samskiptavenjum og halda samtali gangandi
• Þekking er metin með prófum og verkefnum sem bæði eru unnin heima og í kennslustundum.
• Leikni er metin með fjölbreyttum verkefnum, könnunum og kynningum sem taka mið af færniþáttunum fjórum samkvæmt ETM (tali, hlustun, lestri og ritun).
• Hæfnin er metin með prófum, verkefnavinnu og með kynningum samkvæmt markmiðum ETM.