Í þessum áfanga kynnast nemendur nokkrum list-, tækni- og heilbrigðisgreinum sem kenndar eru við skólann. Námið er byggt upp í þremur námslotum, verktæknileið, listaleið og heilsuleið. Á verktæknileið kynnast nemendur grunnatriðum rafvirkjunar og húsasmíði. Á listaleið verða grunnatriði myndlistar og fatahönnunar kynnt. Nemendur kynnast einnig helstu forritum sem nýtt eru í myndlist og textílgreinum. Einnig kynnast nemendur Fab-Lab og E-Lab. Á heilsuleið verða nemendum kennd grunnatriði í heilbrigðisgreinum og íþróttum. Lögð er áhersla á að nemendur beri ábyrgð á eigin heilsu og átti sig á mikilvægi jákvæðrar sjálfsmyndar. Þá kynnast nemendur nærumhverfi skólans bæði í tengslum við listsköpun og hreyfingu.
Nemandi skal hafa öðlast þekkingu og skilning á:
sjálfstæðum vinnubrögðum
mikilvægi þess að lifa heilbrigðu lífi
mikilvægi og áhrifum jákvæðrar sjálfsmyndar
undirstöðuatriðum í list-, tækni- og heilbrigðisgreinum
fjölbreyttum námsleiðum í framhaldsskóla
Nemandi skal hafa öðlast leikni í að:
að vinna með grunnhugtök og aðferðir í list-, tækni- og heilbrigðisgreinum
notkun helstu tækja sem tengjast verklegum greinum innan skólans
að þekkja styrkleika sína og veikleika og nýta þá í leik og starfi
Nemandi skal geta hagnýtt þá almennu þekkingu og leikni sem hann hefur aflað sér til að:
velja sér námsleið innan skólans
nýta sér hæfileika sína og áhugasvið hagnýtan hátt
nota þekkingu sína á hagnýtan hátt
• Þekking er metin með stuttum prófum og verkefnum sem unnin eru í kennslustundum.
• Leikni er metin út frá vinnubrögðum, skilningi á hugtökum og frágangi.
• Hæfnin er metin með fjölbreyttri verkefnavinnu.