Í áfanganum verður kafað dýpra í SQL og farið í gerð gagnagrunna.
Markmið námskeiðsins er að stuðla að öflugri færni þátttakenda í notkun á SQL fyrirspurnamálsins við að setja upp gagnagrunna og að vinna með þá. Lögð er áhersla á frumkvæði, ábyrgð og almennar vinnureglur varðandi notkun á gagnagrunnum og SQL fyrirspurnarmálinu.
Lögð er rík áhersla á að námskeiðið nýtist sem góður undirbúningur fyrir frekara nám eða störf. Kennslan byggist einkum á verkefnavinnu nemenda og skilum á verkefnum.
GAGN1QU03
Nemandi skal hafa öðlast þekkingu og skilning á:
hvaða tegundir af gögnum eru geymdar í gagnagrunnum og hvaða á netþjónum
almennri uppbyggingu á gagnagrunni
hvernig á að setja töflur í gagnagrunnum upp í 4NF og 5NF
hvernig tengitöflur virka og ástæðunum fyrir notkun þeirra
af hverju settar eru atriðaorðaskrár (e. index) á dálka í töflum og hvað maður græðir á því
hvernig á að sjá um SQL hýsingar
hvernig skal vinna með lykilorð í gagnagrunnum
Nemandi skal hafa öðlast leikni í að:
að vinna með tengitöflur í gagnagrunnum
að geyma fjölbreyttar tegundir af gögnum í rétt skilgreindum dálkum í gagnagrunnum
að setja atriðaorðaskrár (e. index) og lykla (e. foreign key) í töflur
að vinna með flóknar SQL skipanir
að geta viðhaldið gagnagrunnum
að vinna með lykilorð í gagnagrunni á öruggan hátt
sjálfstæðum vinnubrögðum
að nota Netið sem hjálpartæki
Nemandi skal geta hagnýtt þá almennu þekkingu og leikni sem hann hefur aflað sér til að:
setja upp stóra gagnagrunna í SQL
geta unnið með flóknar aðgerðir í SQL
setja atriðaorðaskrár (e. index) á rétta dálka í gagnagrunni
setja upp SQL töflur í hærra normal formi en 3NF
vita hverju þarf að huga að í kringum SQL hýsingar
þekkja öryggisþátt varðandi geymslu á lykilorðum
geta nýtt þekkingu sína í SQL til að geta leyst raunveruleg verkefni
geta leitað á Netinu að upplýsingum um aðgerðir sem hann skilur ekki
vinna sjálfstætt að verkefnum
Þekking er metin jafnt og þétt yfir tímabilið með verkefnum unnum í tímum og heima, einnig með áfangaprófum og stóru lokaverkefni.
Leikni er metin út frá vinnubrögðum við uppsetningu, byggingu og frágang SQL fyrirspurna og gagnagrunna.
Hæfnin er metin í verkefnavinnu og prófum út frá getu nemandans til þess að hanna og setja upp gagnagrunna og SQL fyrirspurnir. Einnig er hæfni metin með því að nemendur lesa tilbúinn forritunarkóða og útskýra virknina á bakvið hann.