Í áfanganum vinna nemendur með myndbyggingu frá tvívíðri formfæði yfir í þrívíða myndgerð. Fókusinn er á skúlptúr, hönnun og byggingarlist. Kannaðir verða fjölbreyttir vinklar þrívíddarinnar út frá mismunandi miðlum sem og raunverulegum rýmum allt í kringum okkar. Í verkefnunum er unnið bæði með lífræn og geometrísk form. Áhersla er á hugtök sem tengjast listum; innra og ytra rými, jafnvægi og ójafnvægi, spennu, óreiðu og kyrrð. Skoðað verður hvernig form, litir, áferðir, hljóð og taktur hefur áhrif á skynjun.
Nemendur kynnast fjölbreyttum vinnuaðferðum og verkfærum auk þess sem þeir kynnast eðli ýmissa efna, móta og meðhöndla pappír, vír, þræði, gifs og leir. Þá fá nemendur innsýn inn í heim lykilmyndhöggvara og -arkitekta sögunnar með fyrirlestrum auk umfjöllunar um samtímalist. Lagt er upp úr að öll hugmyndavinna og teikningar komi fram í skissubók sem er notuð jafnt og þétt yfir önnina bæði fyrir heimanám og tímavinnu.
Nemendur taka ljósmyndir af verkum sínum og verkefnaskil eru á stafrænu formi. Lögð er áhersla á að þjálfa nemendur í skapandi hugsun og vinnubrögðum og taka þátt í gagnrýninni umræðu í áfanganum.
aðferðum og hugtökum tengdum þrívíðri formfræði, það er skúlptúr, byggingarlist, gjörningum og innsetningum sem mótað hafa umhverfi okkar bæti við sig orðaforða til að tjá sig um þrívíð verk
gildi rýmisverka og geti með samanburði og dæmi rökstutt gildi þeirra
vinnuumhverfi, vinnutækjum og áhöldum fagsins og meðferð þeirra
möguleikum mismundandi efna, eðli þeirra, möguleikum og takmörkunum
Nemandi skal hafa öðlast leikni í að:
ná tökum á tækni og verklagi, skapandi aðferðum og túlkun á þrívíðu rými, það er skúlptúr, byggingarlist, gjörningum og innsetningu
vera fær um að skipuleggja verkferli á sjálfstæðan hátt
sýna frumkvæði og skapandi nálgun í verkefnavinnu
tjá sig á skýran, gagnrýninn hátt um eigið verkferli og listræna niðurstöðu
taka þátt í samvinnu með sameiginlegt markmið hópsins að leiðarljósi
beita öryggi við mismunandi aðferðir í sínu vinnuferli
Nemandi skal geta hagnýtt þá almennu þekkingu og leikni sem hann hefur aflað sér til að:
geta nýtt sér almenna þekkingu, aðferðir og verkkunnáttu sem hann hefur aflað sér
yfirfæra tvívíðan flöt yfir í þrívíðan með einföldum vinnuaðferðum
geta beitt innsæi og tilfinningu við útfærslu/túlkun hugmynda/verkefna
skynja form og vinna hlutföll í þrívíðu rými
geta tekið þátt í uppbyggilegri og frjórri samræðu um verk sín og annarra og ígrundað og rökstutt mál sitt
beita fjölbreyttum aðferðum við hugmyndvinnu og þróa hana að endanlegri niðurstöðu
geta tekið það skref að sýna og kynna verk sín fyrir samnemendum sínum
geta tekið þátt í gagnrýninni umræðu um verk sín og annarra
Námsmat fer fram með leiðsagnarmati. Heildareinkunn verkefna gildir til lokaeinkunnar. Verkefni annarinnar eru metin jafnt og þétt yfir önnina. Áhersla er lögð á uppbyggilegar umsagnir verkefna sem gagnast nemendum til áframhaldandi þróunar á verkum sínum. Við einkunnagjöf er unnið út frá eftirfarandi þáttum:
● Þekking er metin út frá samræðu og kynningum nemenda á samtíma- listamönnum
● Leikni, svo sem tækni, verklag, hugmyndaferli og skapandi nálgun, er metin við verkefnaúrvinnslu.
● Hæfnin er einnig metin út frá verkefnavinnu nemenda. Þar er lögð áhersla á skapandi vinnubrögð, hugmynda- og vinnuferli auk gagnrýninnar hugsunar við úrvinnslu verkefna. Einnig er lögð áhersla á hæfni nemandans til samræðu um sín verk og annarra.