Í áfanganum er unnið að því að dýpka skynjun og skilning á þrívíðri formfræði. Nemendur læra að leita forma í umhverfi sínu og ljá þeim nýtt samhengi. Lögð er áhersla á skapandi vinnubrögð, hugmyndaauðgi og listrænan metnað sem undirbyggir lokaniðurstöður í hverjum verkþætti. Áfanginn er byggður upp á fjölbreyttum verkefnum sem endurspegla margbreytileika þrívíðrar formfræði.
Verkefnin innihalda verkþætti, svo sem skráningu hugmynda í skissubók frá hugmynd að útfærslu, ýmsar tilraunir gerðar með eiginleika efna, mótun og mótagerð, líkanagerð og áhrif ljóss/hljóðs í rými.
Nemendur tileinki sér hugtök og orðræðu sem tengjast myndlist og hönnun, svo sem ferli og stöðnun, innra og ytra rými, jafnvægi og ójafnvægi, óreiða og kyrrð.
Verk eru unnin úti í náttúrunni (landart), einnig unnið með innsetningu, hönnun og rými. Skúlptúr og lokaverkefni er sýnt í opinberu galleríi. Nemendum ber að taka myndir af verkum sínum og útbúa stafræna ferilmöppu.
Kynntar er hinar ýmsu hliðar á þrívíðum verkum allt frá klassískum skúlptúrum til byggingar-og nútímalistar. Að sækja listasýningar er mikilvægur hluti af náminu.
fjölbreyttum orðaforða til að geta tekið þátt í samræðu um verkefni sín og samnemenda
faglegri kunnáttu og geti miðlað þekkingu sinni á fjölbreytilegan hátt, munnlega, skriflega, verklega og/eða með nýmiðlum
skúlptúrum og rýmisverkum úr listasögunni
samfélagslegu menningargildi myndlistar
áhöldum síns fags og meðferð þeirra
Nemandi skal hafa öðlast leikni í að:
skipuleggja verkferlið með sjálfstæðum hætti í skissubók
skilja og þekkja eðli algengra efna
sýna frumkvæði og skapandi nálgun í vinnuferli
velja aðferðir til að útfæra hugmyndir sínar hvað varðar tækni og verklag og þær skapandi aðferðir sem endurspegla hugmyndavinnu og inntak verka þeirra
tjá sig á skýran, ábyrgan, gagnrýninn og skapandi hátt um eigin verkferli og listrænar niðurstöður
taka þátt í samvinnu með sameiginlegt markmið hópsins að leiðarljósi
Nemandi skal geta hagnýtt þá almennu þekkingu og leikni sem hann hefur aflað sér til að:
geta hagnýtt þá sérhæfðu þekkingu og verkkunnáttu sem hann hefur tileinkað sér í áfanganum
hafa öðlast sjálfstraust og sjálfstæði í þróun hugmynda og sýni áræðni við útfærslu þeirra og túlkun
geta unnið verk af innsæi,tilfinningu og með greinandi vinnuferli
gera sér grein fyrir fagurfræðilegu, siðferðilegu og samfélagslegu hlutverki listamanna og hönnuða
vera fær um að greina og meta eigin verk og annarra af þekkingu og víðsýni
fjalla um hönnun og sköpun/túlkun út frá menningarlegu og listasögulegu samhengi
Námsmat fer fram með leiðsagnarmati. Heildareinkunn verkefna gildir til lokaeinkunnar. Verkefni eru metin jafnt og þétt yfir önnina. Áhersla er lögð á uppbyggilegar umsagnir verkefna sem gagnast nemendum til áframhaldandi þróunar á verkum sínum. Við einkunnagjöf er unnið út frá eftirfarandi þáttum:
• Þekking er metin út frá umræðu og kynningu á verkefnum nemenda, jafnt skriflegum sem verklegum.
• Leikni, svo sem tækni, verklag, hugmyndaferli, skapandi nálgun og að tjá sig um sín eigin verk, er metin við mótun og úrvinnslu verkefna sem og við verkefnaskil.
• Hæfnin er metin út frá verkefnavinnu nemenda. Hvernig nemandi nær að þróa og forma hugmynda- og vinnuferli og fylgja hugmynd sinni eftir, beita viðeigandi aðferðum eða tækni og velja efnivið sem við á. Þar er lögð áhersla á skapandi vinnubrögð og gagnrýna hugsun. Einnig er lögð áhersla á hæfni nemandans til samræðu um sín verk og annarra.