Saga myndlistar frá 17. öld fram á miðja 20. öld. Barokkstíll, rókókóstíll, ný-klassisismi, rómantíska stefnan, raunsæisstefnan, impressjónismi, art-nouveu, expressjónismi, abstraktlist, kúbismi, dada, súrrealismi. Byggingarlist frá 17. öld fram á 20. öld. Íslensk myndlist frá 17. öld fram á miðja 20. öld. Hugtök og heiti í listasögu síðari alda.
Nemandi skal hafa öðlast þekkingu og skilning á:
helstu stíltímabilum síðari alda
þróun listar í samhengi við helstu viðburði mannkynsögunnar
hugtökum og heitum í listum hvers tímabils
helstu listamönnum hvers tíma og mikilvægi þeirra með tilliti til þróunar myndlistar
þróun byggingarlistar í samhengi við list og tækni á hverjum tíma
Nemandi skal hafa öðlast leikni í að:
greina listaverk og byggingar með tilliti til helstu stílgerða
tímasetja byggingar og listaverk
þekkja verk helstu listamanna hvers tímabils
greina inntak og merkingu listaverka síðari alda
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig um helstu strauma og stefnur í sögu myndlistar og byggingarlistar bæði munnlega og skriflega
greina listaverk og byggingar fyrri alda út frá straumum og stefnum listasögunnar
beita þeim hugtökum sem hann hefur lært í áfanganum í munnlegri og skriflegri umfjöllun um listir síðari alda
Fjölbreytt námsmat þar sem nemandi beitir ofangreindum þekkingar-, leikni- og hæfniviðmiðum.