Atferli, hugsanir og viðhorf skoðuð í félagslegu samhengi. Áhersla er lögð á virkni nemenda, t.d. að þeir geri viðhorfakönnun, tilraun á staðalmyndum, hjálpsemi, hlýðni eða þvíumlíku; æfi samskipti, greiningu á og beitingu líkamstjáningar.
Mismunandi persónuleikakenningar eru skoðaðar og tilraun gerð til að búa til nothæft persónuleikapróf. Álitamál og staðreyndir varðandi greind, vitsmunaþroska og greindarmælingar kynntar.
SALF2IS05
Nemandi skal hafa öðlast þekkingu og skilning á:
persónuleikahugtakinu og helstu mótunaráhrifum á persónuleika fólks
mismunandi nálgun sálfræðinnar á persónuleika og hegðun fólks í samskiptum við umhverfi sitt og annað fólk
völdum hugtökum og kenningum innan félags- og persónuleikasálfræðinnar
framlagi félags- og persónuleikasálfræðinnar innan sálfræðinnar
réttmæti og áreiðanleika persónuleikaprófa
Nemandi skal hafa öðlast leikni í að:
sérhæfðri færni með því að beita almennum og sértækum vinnubrögðum, verkfærum og aðferðum félagssálfræðinnar
afla upplýsinga, greina þær og setja í fræðilegt samhengi
nýta fræðilega texta á íslensku og erlendu tungumáli
miðla fræðilegu efni skýrt og skilmerkilega í ræðu og riti
meta aðferðafræðilega vankanta á rannsóknum í félagssálfræði
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr rannsóknargögnum og leggja á þau mat
sýna frumkvæði að raunhæfum lausnum
beita skapandi hugsun við lausnamiðað nám
geta tekið þátt í rökræðum um málefni sem tengjast félags- og persónuleikasálfræði
geta gert minniháttar rannsókn í félagssálfræði
Þekking er metin með prófum, einstaklings- og hópverkefnum sem bæði eru unnin í tímum og heima.
Leiknin er metin út frá vinnubrögðum við notkun heimilda, samningu eigin texta og skilningi á lesnum texta.
Hæfnin er metin út frá þátttöku og árangri í samræðum, rökræðum og skoðanaskiptum við jafningja og kennara. Áhersla er líka lögð á að nemandi geti tekið sjálfstæða, vel rökstudda afstöðu til álitamála varðandi félagssálfræði, greind eða persónuleika.