Kynning á helstu kenningum, kenningasmiðum, viðfangsefnum og rannsóknaraðferðum þroskasálfræðinnar eins og hlut umhverfis, erfða og alhliða þroska frá frjóvgun fram á fullorðinsár. Farið er í sögulegan bakgrunn þroskasálfræðinnar og kafað ofan í mismunandi þætti og álitamál. Nemendur fá innsýn í megineinkenni vitsmunaþroska, félagsþroska, tilfinningaþroska og líkamsþroska.
Nemandi skal hafa öðlast þekkingu og skilning á:
hugtökum, kenningum, kenningasmiðum, viðfangsefnum og rannsóknaraðferðum þroskasálfræðinnar
þroska manneskjunnar frá frjóvgun fram á fullorðinsár
hugmyndum sem hafa haft mest áhrif á framvindu þroskasálfræðinnar
mikilvægi fjölskyldunnar sem mótunaraðila einstaklingsins
mikilvægi líkamlegrar og andlegrar umönnunar og örvunar fyrir þroska barna
frávikum frá þroska m.t.t. barnageðraskana og vægari raskana barna og unglinga
þekkja sögulegan bakgrunn þroskasálfræðinnar
Nemandi skal hafa öðlast leikni í að:
beita algengustu hugtökum þroskasálfræðinnar skýrt og skilmerkilega
geta tengt kenningar í þroskasálfræði við eigin líf og umhverfi
geta aflað sér viðeigandi upplýsinga um efni tengt þroskasálfræði í bókum, tímaritum á netinu og í rannsóknum og setja í fræðilegt samhengi
miðla fræðilegu efni skýrt og skilmerkilega í ræðu og riti
geta greint merki um andlega vanlíðan hjá börnum og ungmennum
Nemandi skal geta hagnýtt þá almennu þekkingu og leikni sem hann hefur aflað sér til að:
miðla skoðunum sínum um mótun mannsins og þroska í samræðu og rökræðum um málefni sem tengjast þroskasálfræðinni
kunna að bregðast við uppbyggilegri gagnrýni og meta eigin verkefni og annarra á faglegan og gagnrýninn hátt
geta áttað sig á því að hvaða leyti hugsun og þroski barna er frábrugðinn hugsun og þroska fullorðinna
vera meðvitaður um hvað megi bjóða börnum og hvaða kröfur sé hægt að gera til þeirra
Þekking er metin með prófum, einstaklings- og hópverkefnum sem bæði eru unnin í tímum og heima.
Leikni er metin út frá vinnubrögðum við notkun heimilda, ritun eigin texta og skilningi á lesnum texta.
Hæfnin er metin út frá þátttöku og árangri í samræðum, rökræðum og skoðanaskiptum við jafningja og kennara og hæfni til að gera rannsókn og skrifa rannsóknarskýslu.