Grunnþættir íslenskrar samfélagsgerðar. Áhrif veiða, vinnslu og fiskeldis í samfélaginu, sjálfbærni, umhverfi og orkunotkun. Meginhugtök við afkomumælingu fyrirtækja og starfsgreina. Hlutverk stofnana í stoðkerfi sjávarútvegs á Íslandi.
Nemandi skal hafa öðlast þekkingu og skilning á:
Hugtökunum lýðræði, þingræði, stjórnmálum, kosningum og stjórnarskrá í ljósi íslensks samfélags.
Þrískiptingu valds og meginatriðum borgaralegra réttinda.
Löggjafarvaldi og lagasetning, framkvæmdavaldi, reglugerðum og öðrum stjórnvaldsfyrirmælum.
Dómsvaldi og hlutverki dómstóla.
Opinberum fyrirmælum (lögum, reglugerðum) í starfsumhverfi og samfélagsumhverfi veiða, vinnslu og fiskeldis, hvernig þau verða til og er framfylgt.
Stjórnun fiskveiða og sögu þeirra. Efnahagslegum og félagslegum áhrif fiskveiðistjórnunar og kvótakerfis. Stjórnsýslu fiskveiða, vinnslu og fiskeldis, hlutverkum og starfsemi stofnana.
Hagsmunasamtökum í veiðum, vinnslu og fiskeldi.
Fiskistofnum við Ísland, stærð, afla, nýtingu og verðmætum í nútíð og fortíð.
Framtíðarhorfum í fiskveiðum og fiskvinnslu, hérlendis, í Norðuratlantshafi og á heimsvísu.
Framtíðarhorfum í fiskeldi hérlendis, í samkeppnislöndum og á heimsvísu.
Heimsframleiðslu á fiskafurðum, horfum og hlutdeild Íslands. Mörkuðum fyrir íslenskar afurðir í fortíð, nútíð og framtíð.
Hugtakinu sjálfbærni og þýðingu þess fyrir nýtingu fiskistofna og vinnslu fiskafurða.
Ábyrgum fiskveiðum, stefnu og framkvæmd í umhverfismálum hafsins og nýtingar sjávarfangs við Ísland, í löndum Evrópusambandsins og á heimsvísu. Alþjóðastofnunum sem fjalla um fiskveiðar og fiskeldi.
Opinberri umhverfisstefnu og aðferðum við mat á árangri fyrirtækja í umhverfismálum.
Mengun og umhverfisáhrifum frá veiðum, vinnslu og fiskeldi. Aðferðum við að meta kostnað vegna úrgangs.
Orkunotkun almennt og hlutdeild veiða, vinnslu og fiskeldis. Orkunýting, orkukostnaður orkusparandi aðgerðir í veiðum, vinnslu og fiskeldi.
Hlutverk stofnana í stoðkerfi sjávarútvegs á Íslandi.
Nemandi skal hafa öðlast leikni í að:
Skilgreina hlutverk stofnana samfélagsins varðandi ákvarðanir og úrskurði um fisveiðar, fiskvinnslu og fiskeldi.
Nýta upplýsingatækni til öflunar gagna frá stjórnvöldum og stofnunum um veiðar, vinnslu og fiskeldi, vinna úr þeim og kynna niðurstöður og ályktanir.
Leggja mat á samfélagslega umræðu um áhrif fiskveiðistjórnunar á afkomu og þróun byggðarlaga og landshluta.
Leggja mat á umhverfismál fyrirtækja í nærumhverfi og gera grein fyrir skoðunum sínum í töluðu og rituðu máli.
Nemandi skal geta hagnýtt þá almennu þekkingu og leikni sem hann hefur aflað sér til að:
Tengja lýðræðis- og mannréttindahugsjónir við hversdagslegan raunveruleika sinn í starfi, félags- og einkalífi með skilningi á eigin afstöðu til lýðræðis, gagnrýninnar hugsunar, umburðarlyndis, jafnréttis, mannréttinda ásamt virðingu fyrir skoðunum og lífsgildum annarra.
Gera sér grein fyrir takmörkuðum auðlindum jarðar og skynja mikilvægi eigin framlags í orði og verki til að stuðla að sjálfbærni.
Skilja tengsl stjórnmála annars vegar og atvinnulífis hins vegar varðandi ákvarðanir og framkvæmd mála í veiðum, vinnslu og fiskeldi.
Gera sér grein fyrir mikilvægi markaða, samkeppni og verðmætasköpunar í veiðum vinnslu og fiskeldi.
Tengja nýtingu auðlindanna og vinnslu afurða við orkunýtingu og meðferð úrgangs.
Greina virðisauka sem góð nýting hráefna og gæði afurða hefur í för með sér.