Nemendur fá áframhaldandi þjálfun í lestri og gerð byggingateikninga en nú með áherslu á timburhús og þakvirki. Haldið er áfram umfjöllun um almenna byggingauppdrætti en samhliða koma einnig burðarvirkisuppdrættir þar sem m.a. er komið inn á ýmiss konar álag á byggingar og brunahönnun. Fjallað er um algengustu útfærslur burðarvirkja úr tré, byggingatæknilegar lausnir, hönnunarforsendur, verklýsingar með tilliti til m.a. efniskrafna og einangrunar. Nemendur kynnast mátkerfi fyrir byggingariðnaðinn og fá þjálfun í gerð efnislista og kostnaðarútreikninga á grundvelli hönnunargagna. Áfanginn er ætlaður húsasmiðum og byggist á verkefnavinnu með leiðsögn kennara.
TEIK2 Teikningar og verklýsingar 2 í húsasmíði
Nemandi skal hafa öðlast þekkingu og skilning á:
ákvæðum reglugerðar um undirstöður þakvirkis
ýmsum útfærslum burðavirkja úr tré
stöðluðum málum (stærðum) ýmissa byggingarhluta
trévirki timburhúsa og útfærslum einstakra byggingarhluta
húsa með áherslu á timbur
helstu ákvæðum reglugerðar um brunavarnir og einangrun bygginga
íslenskum stöðlum um timbur og festingar í burðarvirki húsa
helstu fagheitum á byggingar- og burðarvirkisuppdráttum
mátkerfi fyrir byggingariðnaðinn og hagnýtingu þess
gerðum uppdrátta og teikninga og öllum almennum teiknitáknum
teikniaðferðum og teiknireglum fyrir trévirki og timburhús
notkun algengustu teikniforrita í tölvu við gerð og miðlun hönnunaruppdrátta
Nemandi skal hafa öðlast leikni í að:
lesa teikningar og verklýsingar
nota tölvuteiknaða uppdrætti og önnur hönnunargögn
gera kostnaðarútreikninga og verklýsingar
vinna eftir reglugerðum
vinna eftir teikningum og verklýsingum
teikna vinnuteikningar
vinna og hugsa sjálfstætt
Nemandi skal geta hagnýtt þá almennu þekkingu og leikni sem hann hefur aflað sér til að:
styðjast við Rb-blöð í upplýsingaleit og við gerð teikninga
lesa og vinna með teikningar af timburhúsum og trévirkjum
lesa og skilja merkingar og verklýsingar á teikningum
gera efnislista og einfalda
kostnaðarútreikninga á grundvelli teikninga
öðlast innsýn í tæknilegar útfærslur vegna álags og einangrunar
teikna algengustu deililausnir trévirkja og lítið timburhús
gera rissmyndir af deililausnum einstakra byggingarhluta úr tré
gera uppdrætti af litlu timburhúsi og deiliteikningar trévirkja
Mælt er með því að námsmat byggi á verkefnavinnu og skyndiprófum u.þ.b. 40% og lokaprófi 60%.