Í áfanganum verður fjallað um ferðamál á Íslandi og nemendur undirbúnir undir starfsnám í hinum ýmsu störfum innan ferðaþjónustunnar. Farið verður yfir sögu ferðaþjónustu á Íslandi, störf innan atvinnugreinarinnar skoðuð sem og menntun starfsfólks ferðaþjónustufyrirtækja. Skoðaðar verða mismunandi þarfir og væntingar ferðamanna eftir uppruna og menningu. Nemendur læra að þekkja styrkleika og veikleika sína og kynnast jafnframt áhrifaríkum leiðum til að auka færni sína og þjálfast betur í starfi. Lögð verður áhersla á samskipti í ferðaþjónustu, þjónustulund og að nemandi geri sér grein fyrir væntingum ferðamanna og hvað góð þjónusta felur í sér. Nemendur fá þjálfun í að setja sig í spor ferðamanna og setja sig inn í misjafnar aðstæður. Rætt verður um siðferði, framkomu, klæðaburð og almennar kurteisisvenjur.
Nemendur þurfa að hafa náð 18 ára aldri til að geta valið þennan áfanga
Nemandi skal hafa öðlast þekkingu og skilning á:
sögu ferðaþjónustu á Íslandi
helstu störfum tengdum ferðaþjónustu á Íslandi
fjölbreyttum og krefjandi verkefnum í ferðaþjónustu
mismunandi væntingum ferðamanna eftir uppruna og menningu
gildi fordómalausra og skýrra samskipta
mikilvægi góðra samskipta og þjónustulundar í greininni
Nemandi skal hafa öðlast leikni í að:
vinna með öðrum
vera kurteis og þjónustulundaður beita ólíkri nálgun í samskiptum við einstaklinga með mismunandi þarfir
útskýra hver helstu verkefni í ferðaþjónustu eru
lesa í og koma á móts við mismunandi skoðanir, væntingar og þarfir ferðamanna
Nemandi skal geta hagnýtt þá almennu þekkingu og leikni sem hann hefur aflað sér til að:
afla sér fjölbreyttra gagna
nýta sér styrkleika sína
koma til móts við mismunandi væntingum ferðamanna eftir uppruna og menningu
geta brugðist við erfiðum aðstæðum sem upp koma í ferðaþjónustu
hafa jákvæð áhrif á framkomu fólks og sýna fram á gildi fordómalausra og skýrra samskipta.
eiga lausnarmiðuð samskipti við þá sem hann veitir þjónustu og við samstarfsaðila sína
vera þjónustulundaður, háttvís í framkomu og lausnarmiðaður
Þekking er metin með prófum , verkefnum og fyrirlestrum
Leikni er metin út frá þátttöku í kennslustundum , framkomu og málfari
Hæfni er metin eftir samvinnu nemenda, skoðanaskiptum og verkefnum.