Í áfanganum er farið ítarlegar í atriði varðandi skipulag og undirbúning ferða. Miðað er við að nemandi geti skipulagt nokkurra daga tjaldferð af öryggi í lokin. Klettaklifur er þjálfað betur og farið ítarlegar en áður í ýmis atriði því tengdu. Ýmis hugtök í náttúrufræði eru tekin fyrir og þau útskýrð og um þau er fjallað skipulega á vettvangi og í ferðum. Einnig er farið ítarlegar í þá þætti sem snerta umgengni við landið og viðkvæma náttúru og jarðmyndanir.
FJAL1BT13
Nemandi skal hafa öðlast þekkingu og skilning á:
uppsetningu og skipulagi lengri ferða
búnaði sem þarf til fjallamennsku og tjaldferða í nokkurra daga ferðalag
hagnýtri veðurfræði og náttúrufræði
mikilvægi þess að ganga vel um landið
klettaklifri og mismunandi aðferðum sem þar er beitt
eigin styrkleikum og takmörkunum
mismunandi aðstæðum í óbyggðum og fjalllendi og viðbrögðum við þeim
Nemandi skal hafa öðlast leikni í að:
nýta sér aðstæður í náttúrunni og meta veðurútlit
klifra léttar fjölspanna klettaklifurleiðir
meta eigin styrkleika og takmarkanir
undirbúa fjalla- og óbyggðaferðir
nýta sér þá mismunandi þætti sem þarf að hafa í huga við skipulag ferða
Nemandi skal geta hagnýtt þá almennu þekkingu og leikni sem hann hefur aflað sér til að:
rata af öryggi um ókunnar slóðir
skipuleggja ferðir og greina þá þætti sem koma að skipulagningu
hagnýta sér það sem sjá má af veðurútliti
miðla fróðleik um náttúru landsins sem fyrir augu ber á ferðalagi
geta stundað klettaklifur af öryggi
velja verkefni við hæfi
meta aðstæður á raunhæfan hátt
stunda fjallaferðir við mismunandi aðstæður
undirbúa, fara í, skrá og meta eigin ferðir
Símat þar sem verkefni, frammistaða í ferðum og önnur viðfangsefni verða metin jafnt og þétt yfir önnina. Leiðsagnarmat þar sem áhersla er lögð á að umsagnir og eftirfylgni í framhaldinu leiði nemandann áfram. Engin skrifleg lokapróf.