Í áfanganum er farið í lokaferð í lok fjórðu og síðustu námsannar. Hér sameinast þau námskeið sem nemendur hafa lokið. Nemendur nýta þá kunnáttu og þekkingu sem þeir hafa öðlast í náminu til að leysa verkefnin sem felast í lokaferðinni. Haldið er til í eins konar grunnbúðum og farið í dagsferðir og einnar nætur ferðir út frá þeim.
FJAL2EF13
Nemandi skal hafa öðlast þekkingu og skilning á:
fjölbreyttum möguleikum á að stunda útivist
skipulagi við lengri afþreyingarferðir af mismunandi tagi
sérhæfðum búnaði til útivistar
Nemandi skal hafa öðlast leikni í að:
velja milli mismunandi leiða sem henta hverju sinni til útivistar
meta hvað skiptir mestu máli við skipulag á lengri útivistarferðum
velja sérhæfðan útivistarbúnað í samræmi við aðstæður
Nemandi skal geta hagnýtt þá almennu þekkingu og leikni sem hann hefur aflað sér til að:
stunda fjölbreytta útivist á öruggan hátt
skipuleggja viðameiri útivistarferðir
nota sérhæfðan búnað sem stuðlar að sem mestu öryggi
taka saman í lok ferðar mat á hvernig til tókst og geta dregið lærdóm af því
Símat þar sem frammistaða í ferðinni verður metin jafnt og þétt. Leiðsagnarmat þar sem áhersla er lögð á að umsagnir og eftirfylgni í framhaldinu leiði nemandann áfram.