Í áfanganum vinna nemendur stærri og flóknari verkefni í kvikmyndagerð. Farið er dýpra í frásagnaraðferðir stuttmynda og heimildamynda. Farið er í mismunandi uppbyggingu kvikmynda eftir eðli þeirra og tegund. Nemendur læra meginatriði myndbandagerðar svo sem gerð tökuáætlana, undirbúning á upptökustað og beitingu kvikmyndatökuvéla og klippiforrita.
KVMG1HM05 eða sambærilegt nám á hæfniþrepi 1
Nemandi skal hafa öðlast þekkingu og skilning á:
handritsskrifum og sjónrænni uppbyggingu frásagnar
mikilvægi skipulagðra vinnubragða
mismunandi stílum og afurðum í kvikmyndagerð
Nemandi skal hafa öðlast leikni í að:
túlka eigin hugmyndir og skoðanir með frásagnartækni kvikmyndarinnar
meðhöndla myndbandsupptökuvél
lýsa, taka upp og fullvinna viðtöl og annað myndefni
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr hugmyndum og beita aðferðum kvikmyndarinnar til tjáningar
nýta sér mismunandi aðferðir og persónuleg efnistök til þess að tjá hugmyndir
fjalla um eigið verk og annarra og tengt það verkum úr heimi kvikmynda
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Lokaverkefni er metið.