Í áfanganum er unnið á kerfisbundinn hátt með málningu, krít og aðra liti á mismunandi pappír og striga. Lögð er áhersla á að þjálfa formskilning nemenda og auka þekkingu þeirra á blöndunarþætti lita. Í lok áfangans vinna nemendur í að þróa og efla persónulega tjáningu í málverki með fjölbreyttum litum, markvissri notkun ljóss og skugga og agaðri myndbyggingu.
SJLI1TE05
Nemandi skal hafa öðlast þekkingu og skilning á:
fjölbreyttum eiginleikum lita
tóni, blæ og ljósmagni lita
nýtingu litaskalans á áhrifaríkan hátt í einföldum myndum
mikilvægi skissuvinnu við undirbúning málverks
áhrifum lita og litasamsetninga í mismunandi samhengi
Nemandi skal hafa öðlast leikni í að:
blanda liti og litatóna
afla sér heimilda og nýta sér þær
byggja upp myndverk
nýta form, áferð og myndmál í listsköpun
Nemandi skal geta hagnýtt þá almennu þekkingu og leikni sem hann hefur aflað sér til að:
vinna á persónulegan hátt með eigin hugmyndir
útfæra hugmyndir yfir í myndverk með tilliti til lita-, formfræði og myndbyggingar
geta beitt gagnrýnni og skapandi hugsun á sín verk sem og verk annarra
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum og vinnubækur eru metin, lögð eru fyrir einstaklings- og hópverkefni. Sýning á lokaverkefnum.