Frá upphafi er færniþáttunum fjórum, tali, hlustun, lestri og ritun, sinnt jafnhliða. Í byrjun er sérstök áhersla á framburðarkennslu því að mikilvægt er að nemendur temji sér góðan framburð strax í byrjun. Nemendur æfa að tala og skrifa um sjálfa sig, fjölskyldu sína, vini og nánasta umhverfi. Einnig æfast þeir í samskiptum við ákveðnar aðstæður í daglegu lífi. Nemendur rita einfalda texta sem byggjast á orðaforða sem áður hefur komið fyrir í kennslunni. Unnið er með einfalda texta. Markviss uppbygging orðaforða og kennsla í grunnatriðum málfræði fer fram með hliðsjón af markmiðum áfangans. Löndin og menning þeirra eru kynnt samhliða námsefninu. Nemendur fá grunnþjálfun í notkun orðabóka og upplýsingaleitar á netinu. Lögð er áhersla á sjálfstæð vinnubrögð.
Engar
Nemandi skal hafa öðlast þekkingu og skilning á:
mikilvægi þess að hafa yfir að ráða góðum orðaforða.
helstu grundvallarþáttum þýskrar tungu.
menningu, samskiptum og siðum íbúa þýskumælandi landa.
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt.
fylgja einföldum fyrirmælum og skilja helstu kveðjur og kurteisisávörp.
lesa einfalda texta með algengum orðaforða sem tengist nemanda, umhverfi hans og áhugamálum.
taka þátt í einföldum samræðum um efni sem hann þekkir og beita kurteisis- og málvenjum við hæfi.
segja á einfaldan hátt frá sjálfum sér, fjölskyldu sinni og atburðum daglegs lífs með því að beita orðaforða og framburði á réttan og skýran hátt.
skrifa stuttan, einfaldan texta um sjálfan sig og sitt nánasta umhverfi, skrifa skilaboð o.fl.
Nemandi skal geta hagnýtt þá almennu þekkingu og leikni sem hann hefur aflað sér til að:
skilja talað mál um kunnugleg efni þegar talað er skýrt sem metið er með hlustunaræfingum og -prófum.
skilja einfalda lestexta sem metið er með skriflegum og munnlegum spurningum um innihald texta.
taka þátt í einföldum samræðum um efni sem hann þekkir og segja á einfaldan hátt frá sjálfum sér, fjölskyldu sinni og atburðum daglegs lífs sem metið er með samtalsæfingum og munnlegu prófi.
skrifa stuttan einfaldan texta um sjálfa sig og sitt nánasta umhverfi sem metið er með ritunaræfingum og ritun á prófum.
Hæfni nemenda er metin með hlustunarprófum, prófum í lesskilningi, ritunarprófum og munnlegum prófum.