Í áfanganum verður farið yfir helstu grundvallaratriði í líffæra- og lífeðlisfræði. Fjallað verður meðal annars um fæðunám, meltingu, öndun, efnaflutning, úrgangslosun, ónæmissvörun, boðflutning, hreyfingu, æxlun, fósturþroska, skynjun, stjórn efnaskipta og samvægi. Hvert einstakt líffærakerfi er tekið fyrir og hliðstæð kerfi borin saman. Fjallað er um heilbrigða starfsemi en einnig algengustu frávik.
LÍFF2FA05
Nemandi skal hafa öðlast þekkingu og skilning á:
grunnbyggingu og starfsemi mannslíkamans
helstu líffærum og líffærakerfum og samspili þeirra í viðhaldi á samvægi í líkamanum
heilbrigðri starfsemi en einnig algengustu frávikum
samanburði hliðstæðra kerfa
Nemandi skal hafa öðlast leikni í að:
útskýra byggingu og hlutverk helstu líffæri líkamans
tjá sig skriflega um líffærakerfið
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á tengslum tveggja eða fleiri líffærakerfa
tjá sig í ræðu og riti um efni á sviði raungreina
gera sér grein fyrir uppbyggingu og starfsemi líkamans
Fer fram að hluta til með verklegum æfingum, verkefnavinnu og prófum. Einnig er lagt mat á virkni í náminu.