Í áfanganum verður farið yfir helstu grunndvallaratriði í erfðafræði. Þau atriði sem verður farið í eru meðal annars saga erfðafræðinnar, litningar, gen, frumuskiptingar, kynfrumumyndun, erfðamynstur lífvera, kynákvörðun, próteinmyndun og breytingar á erfðaefni. Einnig eru teknar fyrir helstu grunnaðferðir sem beitt er í erfðarannsóknum, erfða- og líftækni. Kynntir eru helstu flokkar erfðasjúkdóma.
LÍFF2LF05
Nemandi skal hafa öðlast þekkingu og skilning á:
lykilhugtökum erfðafræðarinnar
lögmáli Mendels
ferli frumuskiptingar
byggingu litninga og DNA
afritun, umritun DNA og próteinmyndun
stökkbreytingum og áhrifum þeirra á lífverur
samhengi milli litninga, próteina og almennrar líkamsstarfsemi lífveru
samhengi milli umhverfis og tíðni gena
Nemandi skal hafa öðlast leikni í að:
lesa úr ættartré
búa til og lesa úr reitatöflum
miðla og ræða ólíka þætti erfðafræðarinnar, svo sem frumuerfðafræði, sameindaerfðafræði og stofnerfðafræði
Nemandi skal geta hagnýtt þá almennu þekkingu og leikni sem hann hefur aflað sér til að:
taka rökstudda afstöðu til erfðafræðilegra dægurmála og siðfræðilegra álitamála erfðatækninnar
skilja arfgengi og ættarmynstur sjúkdóma
færa rök fyrir samspili erfða og þróunar
geta kynnt sér umfjöllun um erfðafræðileg málefni og tekið þátt í umræðum þar að lútandi
ræktunar á lífverum
greina á milli erfðabreyttra og venjulegra matvæla
tjá sig í riti á skipulegan og gagnrýninn hátt um líffræði
Reglulegt mat, verkefnavinna og próf. Einnig verður lagt mat á virkni í tímum og vinnu utan kennslustunda.