Í áfanganum er lögð áhersla á sjálfstæða vinnu nemandans undir handleiðslu kennara eða leiðbeinanda. Nemandinn vinnur eitt eða fleiri viðamikil verkefni sem sýnd eru opinberlega eða útlistuð á þann hátt sem best hentar verkefninu í annarlok.
10 einingar í verk- eða listgrein
Nemandi skal hafa öðlast þekkingu og skilning á:
öllum helstu hliðum greinarinnar og viðeigandi vinnubrögðum
mismunandi framsetningu og frágangi
ferlinu frá hugmynd til fullkáraðs verkefnis
Nemandi skal hafa öðlast leikni í að:
að vinna sjálfstætt að undirbúningi og útfærslu eigin verkefna
gera vinnuáætlun og vinna samkvæmt henni
vinna af öryggi með algengustu efni og áhöld
kynna vinnu sína og tjá sig um hana á opinberum vettvangi
ræða á gagnrýninn og uppbyggilegan hátt um verk samnemenda sinna
umgangast gögn og upplýsingar af virðingu og nota heimildir á viðurkenndan hátt
vinna með öðrum, þar á meðal að deila vinnuaðstöðu
umgangast búnað og tæki á viðurkenndan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
sýna frumkvæði
sýna sjálfstæð og öguð vinnubrögð
þróa hugmyndir sínar á meðvitaðan hátt, fjalla um þær og framkvæma þær
móta og þróa eigin stíl og þekkja möguleika sína og einnig takmörk
meta gagnrýni og taka leiðbeiningum á yfirvegaðan og hlutlægan hátt
meta verkefni sitt í samhengi við nærumhverfið og áhrifavalda í því
Leiðsagnarmat og sjálfsmat. Ferilmappa. Fjölbreytilegt námsmat með áherslu á símat, jafningjamat og leiðsögn. Nemendur skoða, skilgreina og gagnrýna verkefni hver annars og einnig sín eigin. Ekkert lokapróf er í áfanganum en nemendur vinna að einu eða fleiri verkefnum og sýna þau eða útlista í lok annar.