Í áfanganum eru tekin fyrir nokkur líffærakerfi mannsins og grunnlífeðlisfræði þeirra s.s. meltingar-, hringrásar-, ónæmis-, loftskipta- og þveitiskerfi. Fjallað um heilbrigða starfsemi en einnig algengustu frávik (orsakir þeirra og afleiðingar).
LÍFF1FR06 (LÍF1B06), LÍFF2FL06 (LÍF2A06)
Nemandi skal hafa öðlast þekkingu og skilning á:
helstu vefjagerðum
byggingu húðar og þátt í hitatemprun
uppbyggingu meltingarvegar
sundrun fæðunnar, efnasamsetningu meltingarsafa og upptöku meltrar fæðu
mataræði, hlutverki vítamína, stein- og snefilefna
bygging og starfsemi hringrásarkerfi mannsins
blóði, samsetningu þess og hlutverki
helstu áhættuþáttum hjarta- og æðasjúkdóma
ónæmiskerfi mannsins
vessabundnu og frumubundnu ónæmi
ABO og Rh blóðflokkakerfum
þveiti og vökvastjórn mannslíkamans
starfsemi spendýranýrnungs
Nemandi skal hafa öðlast leikni í að:
beita hugtökum námsefnisins
geta fjallað um heilbrigða starfsemi líffærakerfa
tengja í heild starfsemi líffærakerfa
geta greint frá helstu frávikum frá eðlilegri starfsemi líffærakerfa
skoða frumur og vefi með ljóssmásjá
beita réttum vinnureglum við krufningar og fleiri verklegar æfingar
vinna skýrslur úr verklegu efni
nýta upplýsingatækni við öflun upplýsinga og heimilda við verkefnavinnu
vinna sjálfstæð kynningarverkefni úr námefninu
Nemandi skal geta hagnýtt þá almennu þekkingu og leikni sem hann hefur aflað sér til að:
þekkja eigin líkama og gera sér grein fyrir mikilvægi góðrar heilsu
taka ábyrgð á eigin lífsháttum og heilsu
beita vísindalegum vinnubrögðum innan sem utan kennslustofunnar
takast á við frekara nám í náttúru- og/eða heilbrigðisgreinum
Leiðsagnarmat þar sem vinna nemanda er metin jafnóðum allan námstímann. Til grundvallar matinu eru eftirfarandi þættir:
Kaflapróf; meðaltal prófa á önninni (50%); skilyrði til þess að ná áfanganum er lágmark 4,5 úr meðaltali prófa.
Ýmis einstaklingsverkefni, skýrslur úr verklegum æfingum, niðurstöður úr hópverkefnum (40%); skilyrði til þess að ná áfanganum er lágmark 4,5 úr meðaltali allra verkefna.
Mat kennara á vinnu nemenda, vinnubrögðum og framförum (10%).