Í áfanganum er lögð áhersla á að nemendur kynnist lögfræði sem fræðigrein. Fjallað verður um lög og rétt, réttarreglur og réttarheimildir. Farið verður í samningagerð ásamt kröfum og skuldbindingum. Einnig verður fjallað um kaup og sölu, á vörum og þjónustu og að lokum verður farið í helstu réttindi og skyldur vinnumarkaðins. Reynt verður að tengja námsefnið við umræður líðandi stundar í þjóðfélaginu.
Engar
Nemandi skal hafa öðlast þekkingu og skilning á:
lögum og réttindum á Íslandi
grunnþáttum í samningagerð
réttindum sínum og skyldum sem kaupandi og seljandi á vöru og þjónustu
réttindum sínum og skyldum á vinnumarkaði
Nemandi skal hafa öðlast leikni í að:
útskýra lög og réttindi
þekkja grunnþætti í samningagerð
vinna með helstu lög og reglur um réttindi og skyldur kaupanda og seljanda á vöru og þjónustu
þekkja og vinna með helstu lög og reglugerðir á vinnumarkaði
Nemandi skal geta hagnýtt þá almennu þekkingu og leikni sem hann hefur aflað sér til að:
greina frá grunnþáttum um lög og reglur á Íslandi
vitnað í helstu lög og reglur um réttindi og skyldur kaupanda og seljanda á vöru og þjónustu
gera sér grein fyrir réttindi sínum og skyldum á vinnumarkaði
Námsmatið er þríþætt. Fjögur próf gilda 50%, fjögur skilaverkefni/hópa gildir 30% og verkefnavinna í kennslustund gildir 20%. Meðaleinkunn fyrir hvern og einn af þessum þremur þáttum þarf að vera minnst 4.5 til þess að standast áfangann. Nái einn af þáttunum þremur ekki 4.5, gildir sú einkunn sem lokaeinkunn áfangans.