Það kom upp villa senda inn  Áfangi

    Áfangi Nánari upplýsingar


    Búið til: 1433851843.21

    Bókmenntir jafnrétti og sköpun
    ÍSLE3FS05
    119
    íslenska
    lestur fagurbókmennta, skapandi skrif, túlkunarmöguleikar
    Samþykkt af skóla
    3
    5
    Grunnþættir: Læsi, sköpun og jafnrétti. Í þessum áfanga er unnið með markvissa ritþjálfun, ritgerðasmíð og meðferð heimilda. Nemendur nái tökum á kjarna máls, blæbrigðum og miðlun efnis í formi skapandi skrifa og tjáningar. Unnið er með þjóðsögur og ævintýri m.a. í formi teiknimynda. Fjallað um kynhlutverk og stöðu kvenna í íslensku samfélagi og bókmenntum. Lesin bók og/eða unnið með kvikmynd í tengslum við jafnréttisbaráttuna. Enn fremur er markviss þjálfun í tjáningu, hlustun og eflingu orðaforða nemenda. Frumkvæði ábyrgð og sjálfstæð vinnubrögð eru höfð að leiðarljósi.
    ÍSLE2AL05 - ÍSLE2GO05
    Nemandi skal hafa öðlast þekkingu og skilning á:
    • ritgerðarsmíð og heimildavinnu
    • mismunandi tegundum bókmennta og grunnhugtökum bókmenntafræði
    • jafnréttis- og sjálfstæðisbaráttu þjóðarinnar í tengslum við bókmenntir
    • orðaforða sem nægir til að lesa helstu verk íslenskrar bókmenntasögu
    Nemandi skal hafa öðlast leikni í að:
    • rita og ganga frá heimildaritgerð þar sem hann beitir gagnrýninni hugsun við úrvinnslu og kemur efninu á framfæri á skýran og greinargóðan hátt
    • flytja af öryggi og sannfæringarkrafti vel upp byggða ræðu
    • beita skýru, blæbrigðaríku og viðeigandi máli í ræðu og riti
    • greina mun á aðal- og aukaatriðum í frágangi og kynningu verkefna
    • lesa bókmenntatexta sér til fróðleiks og ánægju, skilja lykilhugtök og greina mismunandi sjónarhorn
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skrifa skýran, vel uppbyggðan og grípandi texta og geta valið viðeigandi ritstíl
    • beita málinu á viðeigandi og árangursríkan hátt við mismunandi aðstæður í ræð og riti
    • leggja mat á mismunandi texta og mynda sér skoðun á þeim
    • skrifa rökfærsluritgerð þar sem hann kemur skoðunum sínum á framfæri á greinargóðan og gagnrýninn hátt
    • draga saman og nýta upplýsingar úr ýmiss konar heimildum og flétta saman við eigin viðhorf og ályktanir á faglegan og heiðarlegan hátt
    • lesa texta og greina þá og túlka út frá hugtökum bókmenntafræðinnar
    • draga saman aðalatriði, beita gagnrýninni hugsun við lestur, túlkun og úrvinnslu krefjandi texta, átta sig á samfélagslegum skírskotunum, duldum boðskap og hugmyndum