Áfanginn er kynning á nútíma heimsmynd, þekkingarfræði og vísindaspeki. Setja skal efni og aðferðir í samhengi við þekkingu einstaklinga í nútímanum: Hver er þekking einstaklinga og hvernig má efla þá þekkingu. Hverjir eru möguleikar nútíma þekkingarumhverfis. Huga skal að tilurð, öryggi, gildissviði og tegundum þekkingar. Nemandi kynnist mismunandi rannsóknaraðferðum. Kynna skal siðfræðilegar forsendur vísinda og siðareglur vísindarannsókna. Nemandinn kynni sér ákveðna vísindagrein. Nemandinn kynnist því hvernig nútíma náttúru- og mannvísindi geta útvíkkað og dýpkað heimsmynd hans. Skoða skal hvernig vald og þekking spila saman. Huga skal að blekkingu og varhugaverðum leiðum í þekkingarleit og hvernig má vara sig á þeim. Nemendur skulu þjálfast í að beita heimspekilegri samræðu og íhugun til að efla skilning sinn utan heimspekinnar
Eru 50 f-einingar þar af minnst 20 f-einingar á hæfnisþrepi 2 eða 3 á raunvísinda- eða félagsvísindabraut
Nemandi skal hafa öðlast þekkingu og skilning á:
kenningum í þekkingarfræði
kenningum í vísindaspeki
nútíma heimsmynd
aðferðafræði vísinda
Nemandi skal hafa öðlast leikni í að:
íhuga heimspekileg viðfangsefni
ræða við aðra nemendur eða kennara
lesa heimspekitexta
skrifa ritgerðir
Nemandi skal geta hagnýtt þá almennu þekkingu og leikni sem hann hefur aflað sér til að:
vera opnari fyrir nýrri þekkingu
geta betur ígrundað þekkingu sína
geta betur metið trúverðugleika, gildi og öryggi þekkingar
Skal vera fjölbreytt og skal athuga þekkingu í heimspeki kenningum. Einnig á námsmat að meta getu til að fást við óræðar spurningar og löng verkefni