Markmið áfangans er að auka færni nemenda í módelteikningu og dýpka skilning þeirra á þeim þáttum sem mestu skipta fyrir birtingarmynd mannslíkamans. Lögð er áhersla á anatómíu fyrir teiknara. Nemendur læra um helstu bein og vöðva sem móta mannslíkamann. Unnið er með mælingar, línu, skugga og rými. Ýmist eru teiknaðar styttri stöður eða lengri stúdíur þar sem áhersla er lögð á að koma líkamanum fyrir í umhverfi sínu með sannfærandi hætti. Markvisst er unnið með hreyfingu líkamans og þau áhrif sem hún hefur á teikninguna rannsökuð.
MÓDE1TM03
Nemandi skal hafa öðlast þekkingu og skilning á:
mikilvægustu þáttum í anatómíu mannslíkamans, beina- vöðvabyggingu
mótun teikningar með tilliti til línu, forms og skyggingar
vægi mannslíkamans sem viðfangsefni í myndlist og hönnun
Nemandi skal hafa öðlast leikni í að:
teikna mannslíkamann eftir fyrirmynd á sannfærandi máta, bæði í löngum stöðum og styttri
staðsetja módelið í rými teikningarinnar
vinna af nákvæmni og teikna t.d. portrett, hönd eða fót
fanga hreyfingu líkamans í teikningu
Nemandi skal geta hagnýtt þá almennu þekkingu og leikni sem hann hefur aflað sér til að:
gera grein fyrir beina- og vöðvabyggingu mannslíkamans með teikningu
gera grein fyrir áhrifum hreyfingar á ásýnd mannslíkamans
skapa persónulegt ,,andrúmsloft" í módelteikningu með markvissri notkun á rými, línu og skugga