Þungamiðja áfangans er kynning á hreyfi- og kraftafræði Newtons, út frá línulegri hreyfingu, ásamt vinnu- og orkulögmálinu í tengslum við varmafræði. Þrýstings- og skriðþungahugtökin eru kynnt og hreyfifræðin útvíkkuð með athugun á hreyfingu í tveimur víddum og einfaldri hringhreyfingu. Nemendur eru þjálfaðir í vinnubrögðum raunvísinda. Þeir vinna bæði sjálfstætt og saman í hópum og lögð er áhersla á ábyrgð nemandans á eigin námsframvindu.
Helstu efnisatriði eru:
• Hreyfilýsing í einni og tveimur víddum
• Einföld hringhreyfing
• Kraftar og skriðþungi
• Einföld skilgreining á þrýstingi
• Vökvaþrýstingur
• Orka, vinna, varmi og afl
• Orkuvarðveisla
Tveir 5 FEIN stærðfræðiáfangar af öðru þrepi
Nemandi skal hafa öðlast þekkingu og skilning á:
hugtökum og lögmálum eðlisfræðinnar sem talin eru upp í efnisatriðum
þróun vísindalegra rannsókna í eðlisfræði allt frá dögum Galileós og Newtons
mikilvægi línurita og jafna við lausn verkefna í eðlisfræði
Nemandi skal hafa öðlast leikni í að:
setja fram og vinna með og töluleg gögn
snúa eðlisfræðijöfnum til að einangra mismunandi stærðir
setja eðlisfræðilegar upplýsingar fram með jöfnum
gera skýringarmyndir af uppsetningu tilrauna sem hann framkvæmir
setja eðlisfræðilegar mælingar fram í töflum og línuritum
vinna með ýmiss konar tæki m.a. tölvutengd við framkvæmd tilrauna
nota tölvuforrit við lausn verkefna og ritun skýrslna
Nemandi skal geta hagnýtt þá almennu þekkingu og leikni sem hann hefur aflað sér til að:
túlka lögmál eðlisfræðinnar með eigin orðum
skýra fyrir öðrum og ræða um þau eðlisfræðilegu fyrirbæri sem hann hefur kynnst
sýna sjálfstæði í vinnubrögðum og bera ábyrgð á eigin námsframvindu
vinna í hóp að mælingum og athugunum í eðlisfræði
nota línurit við túlkun eðlisfræðilegra mælinga
vinna með jöfnur og leysa verkefni sem tengjast eðlisfræðilögmálunum
leggja á gagnrýninn hátt mat á upplýsingar sem tengjast eðlisfræði
tengja þekkingu sína í eðlisfræði við daglegt líf sitt og umhverfi og sjá notagildi hennar
Þátttaka nemenda í verklegum æfingum og umræðum um námsefnið og efni tengt því er metin. Nemendur skila skýrslum og úrvinnslu úr tilraunum. Vinnubók nemenda með verkefnum og dæmum er metin tvisvar á önn. Einnig eru skrifleg próf notuð til að meta hæfniviðmiðin.