Áfanganum er ætlað að þjálfa nema til þess að geta notað og unnið með ýmis handverkfæri og hluti sem notuð eru í tré- og járnsmíði. Þjálfa nema í samvinnu með verkefnum þar sem fleiri en einn þarf að koma að smíði hlutar. Áfanginn er byggður upp með það að markmiði að þeir hlutir sem smíðaðir eru nýtist samfélaginu á einhvern hátt t.d leikföng fyrir leikskóla, ýmsir hlutir fyrir félagasamtök eða annað sem henta þykir. Áfanginn er ætlaður til að byggja upp sjálfstraust og gleði nema til að takast á við smíði á ýmsum nytjahlutum.
Lokið grunnskóla
Nemandi skal hafa öðlast þekkingu og skilning á:
notkunarmöguleikum verkfæra og tækja
mælingum og geta yfirfært þær á vinnslustykki
þeim hættum sem geta skapast við ranga meðhöndlun verkfæra og tækja
Nemandi skal hafa öðlast leikni í að:
lesa út út teikningu
smíða einfalda hluti eftir teikningum
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með ýmis handverkfæri og hluti sem tilheyra járn- og trésmíði
smíða nytjahluti t.d. púsluspil, lestar úr timbri, hlaupahjól og gröfu úr járni
Námsmat skal fara fram eftir eftirfarandi viðmiðum: Virkni í tímum
Samvinna með öðrum nemendum, vinnubrögð og mæting