Í áfanganum kynnast nemendur umhverfi afreksíþróttamannsins og fá að æfa við framúrskarandi aðstæður undir stjórn hæfra þjálfara. Aðalmarkmiðið er að nemandinn hafi möguleika á að bæta sig sem afreksíþróttamaður.
Staðfesting frá íþróttafélagi á að nemandinn sé afreksíþróttamaður og æfi sem slíkur hjá viðkomandi félagi.
Nemandi skal hafa öðlast þekkingu og skilning á:
umhverfi afreksíþróttamanna
grunnviðmiðum afreksþjálfunar
lífsstíl afreksíþróttamanna
Nemandi skal hafa öðlast leikni í að:
undirbúa sig á réttan hátt fyrir keppni
bæta tækni sína í viðkomandi íþrótt
nýta sér mismunandi aðferðir (leikstíl) í viðkomandi íþrótt
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja tíma sinn sem afreksíþróttamaður samhliða námi
setja sér raunhæf markmið sem eru í samræmi við þekkingu og leikni í viðkomandi íþrótt
iðka og keppa í viðkomandi íþrótt sem afreksíþróttamaður
beita sjálfstæðum vinnubrögðum sem styðja vel við að vera afreksíþróttamaður