Markmið áfangans er að nemendur dýpki skilning sinn eiginleikum og virkni lita og fái þjálfun í lestri myndmáls. Nemendur kynnast sálfræði skynjunar, eðlis- og efnafræði ljóss og lita og læra aðferðir til að kalla fram tilfinningar, dýpt í rými og stemmningu með notkun ljóss og lita. Nemendur fá kynningu á því hvernig unnið er með liti á ólíkum vettvangi sjónlista. Áfanganum lýkur með sjálfstæðu verkefni. Lögð er áhersla á að nemendur geri grein fyrir verkum sínum og taki virkan þátt í umræðum hópsins.
LITA1EV03
Nemandi skal hafa öðlast þekkingu og skilning á:
ólíkri virkni lita í rými
táknrænni merkingu lita í myndmáli
eðlisfræði ljóss og lita
markvissri litanotkun í myndlist, hönnun, leikhúsi og kvikmyndum
Nemandi skal hafa öðlast leikni í að:
blanda og nota liti á meðvitaðan og persónulegan hátt, í tvívíðri vinnu og vinnu í rými
vinna með fjölbreytt litarefni í tengslum við fjölbreytt efni, ljós og rými
Nemandi skal geta hagnýtt þá almennu þekkingu og leikni sem hann hefur aflað sér til að:
nota liti með markvissum hætti í myndbyggingu
kalla fram tilfinningar eða stemmningu með markvissri litanotkun
gera grein fyrir vinnuferli og taka afstöðu til persónulegrar litanotkunar sinnar og litanotkunar samnemenda sinna