Í áfanganum eiga nemendur að læra að kenna börnum og unglingum undirstöðuatriði frjálsíþrótta. Lögð er áhersla á kennslu tækni og leikfræði fyrir byrjendur. Stefnt er að því að nemendur öðlist ákveðna grundvallarfærni í greininni. Áfanginn er bóklegur og verklegur. Nemendur þjálfist í kennslu frjálsíþrótta. Efnisatriði: spretthlaup, langstökk, hástökk, þrístökk, grindahlaup, stangarstökk, kúluvarp, kringlukast, spjótkast, sérhæfð þolþjálfun, keppnisreglur, teygjur, liðkun. Dómgæsla. Framkvæmd: Bókleg og verkleg þar sem megináhersla er lögð á æfingakennslu nemenda.
Nemendur hafi lokið ÍÞRF2ÞB05
Nemandi skal hafa öðlast þekkingu og skilning á:
allri grunntækni í flestum greinum frjálsíþrótta
mismun á þjálfun barna, unglinga og fullorðinna í frjálsíþróttum
keppnisreglum í frjálsíþróttum
undirbúningi og skipulagi frjálsíþróttaæfinga
Nemandi skal hafa öðlast leikni í að:
að undirbúa og framkvæma frjálsíþróttaæfingar fyrir börn að 12 ára aldri
helstu tækniatriðum frjálsíþrótta og að kenna þessi atriði
dómgæslu í frjálsíþróttum
Nemandi skal geta hagnýtt þá almennu þekkingu og leikni sem hann hefur aflað sér til að:
undirbúa þjálfun og gera tímaseðil fyrir frjálsíþróttaæfingu
skipuleggja þjálfun í frjálsíþróttum
dæma keppni hjá yngstu iðkendum
Í áfanganum er skriflegt lokapróf og nemendur skila ýmsum verkefnum varðandi heimsóknir, æfingakennslu og tímaseðlagerð.