Frumefni, efnasambönd og efnablöndur, málmar, málmleysingjar, sameindaefni, jónaefni, heiti jónaefna og sameindaefna, rafdrægni, sterk og veik efnatengi, lausnir, þeytulausnir, leysni, leysnireglan, mólmassi, mól, mólstyrkur lausna, sýrur og basar, sýrustig, hraði efnahvarfa, ensím, helstu flokkar lífrænna efna og einkenni þeirra, IUPAC-nafnakerfið, efnafræði snyrtivara, varhugaverð efni í snyrtivörum.
EFNA2GR03 (FB)
Nemandi skal hafa öðlast þekkingu og skilning á:
flokkun efna í frumefni, efnasambönd og efnablöndur
skiptingu frumefna í málma og málmleysingja og mun á þeim
mun á sameindaefnum og jónaefnum
sterkum og veikum efnatengjum
lausnum og leysni, mólmassa, efnismagni og mólstyrk
sýrum, bösum og sýrustigi
hraða efnahvarfa
helstu flokkum lífrænna efna, einkennum þeirra og nöfnum
nokkrum efnum í snyrtivörum og virknisviði þeirra
varhugaverðum efnum í snyrtivörum
Nemandi skal hafa öðlast leikni í að:
flokka efni í frumefni, efnasambönd og efnablöndur, flokka frumefni sem málma og málmleysingja og gera grein fyrir mun á þeim
greina á milli sameindaefna og jónaefna
greina á milli óskautaðra og skautaðra samgildra tengja, jónatengja og málmtengja
átta sig á mismunandi lausnum og leysni efna, m.a. út frá skautun efna
reikna mólmassa, efnismagn og mólstyrk
skilgreina sýrur og basa og skilja pH-kvarðann
átta sig á hraða efnahvarfa og þeim þáttum sem þar hafa áhrif
flokka lífræn efni og gefa þeim nöfn
gera grein fyrir virkni nokkurra efna í snyrtivörum
gera einfaldar tilraunir og skrifa tilraunaskýrslur
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á hvers konar efni eru í snyrtivörum
átta sig á varhugaverðum efnum sem finnast í snyrtivörum
átta sig á hvernig notkun efna tengist heilbrigði og velferð
Verkefni, tilraunaskýrslur og próf, sem taka mið af ofangreindum þekkingar-, leikni- og hæfniviðmiðum.