Í áfanganum er lögð áhersla útivist og lengri gönguferðir. Stefnt er á að nemendur fari í fjórar dagsferðir (3-6 klst) eða eina tveggja daga ferð þar sem gist er eina nótt. Farið verður vel í undirbúning og praktískar leiðbeiningar fyrir lengri gönguferðir í upphafi áfangans.
Nemandi skal hafa öðlast þekkingu og skilning á:
gildi gönguferða sem heilsurækt
mikilvægi góðs undirbúnings fyrir lengri og skemmri gönguferðir
búnaði og pökkun í bakpoka
veðráttu,landafræði, jarðfræði, náttúrufari og sögu þeirra svæða sem gengið er um
Nemandi skal hafa öðlast leikni í að:
gera sig kláran í lengri og skemmri gönguferðir hvað varðar útbúnað og nesti
lesa á göngukort geta þannig bjargað sér á merktum leiðum
vinna saman í hópi, vera hvetjandi og sýna tillitsemi gagnvart öðrum göngufélögum
Nemandi skal geta hagnýtt þá almennu þekkingu og leikni sem hann hefur aflað sér til að:
meta og ákveða hvaða búnað þarf til ferðar
glíma við útiveru við mismunandi veðuraðstæður
nota lengri gönguferðir sér til ánægju og heilsubótar
Getur farið fram með ýmsum hætti. T.d með verkefnavinnu/skýrslugerð og frammistaða í gönguferðum metin.