helstu forrit í ritvinnslu, netnotkun, persónuupplýsingar, skipulag gagna
Samþykkt af skóla
1
3
AN
Markmið áfangans er að nemendur tileinki sér helstu þætti almennrar tölvunotkunar í námi. Nemendur læra á helstu möguleika algengustu forrita eins og Word, Excel og PowerPoint. Fjallað er um upplýsingaleit og skipulag gagna í tölvu, siðfræði internetsins, höfundarrétt, netöryggi, persónuvernd og vírusvarnir.
Engar.
Nemandi skal hafa öðlast þekkingu og skilning á:
helstu möguleikum í upplýsingatækni og þeim forritum sem notuð eru í námi
siðfræði internetsins til að stuðla að heilbrigðri og hagnýtri netnotkun
höfundarrétti og persónuvernd
tölvufíkn
varðveislu gagna í tölvu
ábyrgð og varkárni í allri umgengni við tölvur og netsamskipti
Nemandi skal hafa öðlast leikni í að:
nota algengustu forrit við nám og miðlun þekkingar
velja aðferðir og verkfæri sem henta mismunandi verkefnum í upplýsingatækni
vinna afmörkuð, sjálfstæð verkefni í tölvu
búa til margvísleg skjöl, t.d. boðskort, atvinnuumsókn, glærusýningu o.fl.
greina helstu hættur sem snúa að persónuvernd og samskiptum á netinu
Nemandi skal geta hagnýtt þá almennu þekkingu og leikni sem hann hefur aflað sér til að:
draga skynsamlegar ályktanir um eðlilega og trausta notkun upplýsingatækni
skipuleggja varðveislu eigin gagna í tölvu
geta notað fjölbreyttan hugbúnað og upplýsingar á margvíslegu formi við lausn og framsetningu viðfangsefna
Lögð verður áhersla á fjölbreytt námsmat. Metin verða verkefni af ýmsu tagi sem nemendur leysa í kennslustundum og/eða heima.