Nemendur eru þjálfaðir í lestri hvers konar veiðarfærateikninga og læra að stækka og minnka teikningar. Farið er yfir allar reglur sem gilda um teiknun veiðarfæra. Teiknaðar eru mismunandi gerðir veiðarfæra. Í áfanganum er lögð áhersla á að teikna vörpur og nætur.
Nemandi skal hafa öðlast þekkingu og skilning á:
staðli veiðarfærateikninga, ÍST 106
áhöldum við handteikningu veiðarfæra
heitum einstakra hluta veiðafæra
táknum til að skilgreina einstaka hluta neta í veiðarfærum
reikningsaðferðum hlutfalla til að fá réttar breiddir og lengdir á veiðarfærateikningar
aðferðum til mælinga á línulengdum neta
töflum fyrir halla á útlínum teikninga eftir skurði neta
stöðlum pappírstærða
reglum um miðjusetningu teikningar
reglum um frágang, vistun og breytingar teikninga
Nemandi skal hafa öðlast leikni í að:
nota viðeigandi staðla við teiknivinnu og stöðluð tákn til merkinga á teikningar
beita áhöldum til teiknivinnu á faglegan hátt
staðsetja merkingar heita einstakra hluta rétt inn á teikningar þar sem við á
nota rétt tákn á teikningar og staðsetja þau á réttum stöðum
nota reikniaðferðir við teiknivinnu. Reikna stærðir á stykkjum og heildarstærð teikninga í réttum hlutöllum með tilliti til mælikvarða
mæla réttar lengdir á línum og setja niður á teikningu
nota töflur til þess að sjá viðeigandi halla eftir gerðum skurða og meta hvort mismundi hlutar teikninga eru með sama halla í skurði
velja pappírsstærðir og ákveða hentugar staðsetningar teikninga á pappír
miðjusetja teikningar og texta á pappírsörk
vanda frágang teikninga. Vista teikningar og breytingar á skipulegan hátt samkvæmt númerakerfi
Nemandi skal geta hagnýtt þá almennu þekkingu og leikni sem hann hefur aflað sér til að:
greina hvort teikningar eru rétt unnar og í samræmi við staðla og önnur fyrirmæli
meta frágang og gæði teikninga
meta réttmæti merkinga á teikningum
leiðrétta teikningar samkvæmt fyrir-mælum og ábendingum
Áfanganum lýkur með prófi og mati á verkefnum gerðum á önninni.