Farið er í helstu eiginleika tölvuteikninga. Kenndar verða grunnskipanir teiknikerfa með æfingum á tölvu og kennd undirstaða rúmmynda og forritunar í teiknikerfum. Nemendur verða þjálfaðir í að teikna flatarmyndir í tölvu.
Nemandi skal hafa öðlast þekkingu og skilning á:
CAD forritum, viðmóti og nýtingu þeirra til tækni-teikninga af ýmsum gerðum og eiginleikum
helstu eiginleikum tölvuteikninga.
gildi vandaðs frágangs teikninga og skýrrar framsetningar
grunnskipunum teiknikerfa, undirstöðu rúmmynda og forritunar í teiknikerfum
ferli frá hugmynd og rissteikningu til fullunninnar teikningar
textum og skrifuðum skýringum á teikningar
númera- og vistunarkerfi frumteikninga og breytinga
Nemandi skal hafa öðlast leikni í að:
nota CAD forrit til að gera fjölbreyttar vinnuteikningar samkvæmt fyrir, til hönnunarvinnu og lagfæringa á hlutum
meta kosti tölvuteikninga umfram handteikningar
vanda frágang og setja teikningar upp samkvæmt stöðlum um tækniteikningar
teikna flatarmyndir samkvæmt fyrirlögðum verkefnum
teikna einfaldar rúmmyndir samkvæmt fyrirlögðum verkefnum
teikna flatarmyndir og rúmmyndir af eigin hugmynd eða smíðaverkefni
setja inn texta og skýringar á teikningar samkvæmt reglum
númera og vista teikningar og breytingar í gagnakerfi
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á vinnu sína, gæði og skýrleika eigin teikninga í ljósi þess að teikning er tæki til að smíða eftir
meta skilning annarra á eigin teikningum
greina samhengi milli hönnunar og teikninga með hliðsjón af notkunareiginleikum, efnisavali, stöðugleika og styrkleika viðfangsefnis
bregðast við ef teikningar eru ekki nægjanlega skýra til að smíða eftir þeim
meta gildi gagnakerfa og nauðsyn skipulegrar vistunar
Áfanganum lýkur með prófi og mati á verkefnum gerðum á önninni.