Í áfanganum fá nemendur tækifæri til að samþætta þá þekkingu, leikni og hæfni sem þeir hafa öðlast í námi sínu við skólann eða annars staðar. Nemendur velja sér viðfangsefni á sviði nýsköpunar og vinna að því sjálfstætt og í samvinnu við aðra nemendur. Unnið er undir handleiðslu umsjónarkennara en auk hans hafa nemendur greitt aðgengi að teymi kennara sem veita leiðsögn á því sérsviði sem nemendur hafa valið. Einngi fá nemendur handleiðslu í íslensku, tungumálum og stærðfræði.
NÝSK2UL04 (NÝS2B02)
Nemandi sem skráður er í áfangann þarf að vera farinn að sjá fyrir endan á námi sínu. Mælt er með að áfanginn sé tekinn á síðustu eða næstsíðustu námsönn.
Nemandi skal hafa öðlast þekkingu og skilning á:
mikilvægi þess að vanda til hugmyndavinnu.
hugtakinu nýsköpun.
eðli samvinnu og kostum þess að nýta þann breiða grunn þekkingar, leikni og hæfni sem til staðar er í hópi nemenda.
því sérsviði sem viðfangsefni hans tilheyrir.
tímastjórnun og mikilvægi vandaðrar áætlanagerðar við lausn flókinna og yfirgripsmikilla verkefna.
upplýsingaöflun og mikilvægi upplýsingatækni.
Nemandi skal hafa öðlast leikni í að:
vinna með sínar eigin hugmyndir og hrinda þeim í framkvæmd.
greina hugmyndir sem falla undir nýsköpun frá öðrum hugmyndum.
eiga samvinnu við ólíkt fólk sem hefur sömu markmið og hann sjálfur.
leita sér upplýsnga um viðfangsefni sín, bæði sértækra og almennra.
gera verk- og kostnaðaráætlanir fyrir yfirgripsmikil verkefni.
Nemandi skal geta hagnýtt þá almennu þekkingu og leikni sem hann hefur aflað sér til að:
fylgja eftir hugmynd frá upphafi til enda sem metið er með lokaskýrslu og kynningu nemenda.
eiga farsæla samvinnu með hópi jafningja með sameiginleg markmið fyrir augum. Þetta er metið með lokaskýrslu, kynningu og matsskýrslu.
greina og meta áreyðanleika upplýsinga ...sem er metið með... lokaskýrslu.
gera vandaða áætlun um verk sem fyrir höndum er ...sem er metið með... lokaskýrslu og verkdagbók á Moodle.
Námsmat er þríþætt:
a) Hópurinn skilar lokaskýrslu þar sem sagt er frá öllum þáttum verkefnisins, allt frá upphaflegri hugmyndavinnu til fullbúinnar afurðar.
b) Kynning sem fram fer í lok annar. Hópurinn stendur að kynningu á hugmynd sinni og afurð. Fer kynningin fram á sameiginlegum kynningardegi allra nemenda í áfanganum.
c) Matsskýrsla og verkdagbók á Moodle þar sem hver nemandi metur sitt eigið vinnuframlag og annarra.
Lögð er áhersla á reglulega endurgjöf leiðbeinenda, leiðsagnarmat og jafningjamat.