Lögð er áhersla á að nálgast fyrirbæri í náttúrunni og í samfélaginu með opnum huga hvað varðar stærðfræði. Til þess eru nemendur látnir vinna með runur og raðir, vísis- og lograföll og diffrun einfaldra falla. Unnið verður með fallahugtakið og farið yfir nokkur helstu föll auk þess sem samsetning falla er kynnt. Diffrunarreglurnar eru æfðar og fundin staðbundin útgildi og beygjuskil ásamt orðadæmum.
Kennslan fer jöfnum höndum fram með fyrirlestrum kennara, umræðum, einstaklings- og hópavinnu nemenda. Gerðar eru kröfur um að nemendur vinni verkefni heima og standi skil á þeim annað hvort í kennslustund eða með því að skila verkefnum skriflega. Í kennslustundum eru notaðar reiknivélar. Einnig eru verkefni leyst með stærðfræðiforritum t.d. forritinu GeoGebra og Excel.
STÆR2HJ05
Nemandi skal hafa öðlast þekkingu og skilning á:
runum og röðum
skilgreiningar- og myndmengi falla, samsettum föllum og ferlum falla
veldisföllum, margliðum, ræðum föllum, vísisföllum og lograföllum
diffrun falla, diffrun margfeldis og kvóta ásamt diffrun samsettra falla
hagnýtingu diffrunar (útgildi, einhallabil, beygjuskil og sveigja ferils)
línulegri bestun
myndrænni framsetningu ójafna
Nemandi skal hafa öðlast leikni í að:
nota stærðfræði við lausn verkefna sem tengjast samfélaginu
þekkja helstu föll og samskeytingu þeirra
leysa vísis- og lograjöfnur
leysa ójöfnur þar sem koma fyrir ræð föll
diffra föll, margfeldi þeirra, kvóta og samsett föll
finna staðbundin útgildi og beygjuskil
nota diffurreikning til að leysa hámörkunarverkefni
leysa einföld dæmi í línulegri bestun
lita lausnarsvæði ójafna á grafi
Nemandi skal geta hagnýtt þá almennu þekkingu og leikni sem hann hefur aflað sér til að:
setja sig inn í og túlka útskýringar og röksemdir annarra
skrá lausnir sínar skipulega og geta rökstutt þær, skipst á skoðunum um þær við aðra og útskýrt hugmyndir sínar
skrá lausnir sínar skipulega og geta rökstutt þær, skipst á skoðunum um þær við aðra og útskýrt hugmyndir sínar
vinna með merkingu og tengsl hugtaka í námsefninu t.d. afleiðu falls og ferils þess
beita skipulegum aðferðum við lausnir þrauta úr kunnuglegu samhengi og útskýra aðferðir sínar.
klæða hversdagsleg verkefni í stærðfræðilegan búning, leysa þau og túlka lausnirnar
fylgja eftir og skilja röksemdir í texta og beita einföldum röksemdum
Námsmat er samsett úr vinnueinkunn og skriflegu lokaprófi í lok annar.