Í áfanganum læra nemendur um aðgerðir og aðferðir sem beinast að þörfum samfélagshópa sem af ýmsum orsökum þurfa hvatningu og örvun til að taka virkan þátt í frístundastarfi. Farið er yfir það frístundastarf sem fullorðnum einstaklingum, ekki síst eldri borgurum, stendur til boða og gerð er grein fyrir ýmsu frístundastarfi í forvarnar- eða endurhæfingarskyni með það að markmiði að viðhalda og efla félagslega færni og stuðla að því að einstaklingurinn efli sköpunarmátt sinn. Fjallað er um þætti sem einkenna viðfangsefni í starfi með fullorðnum s.s. eldri borgurum með ólíka styrkleika og áhugasvið og allar þær fjölbreytilegu þarfir og óskir sem hafa verður í huga. Fjallað er um gildi og aðferðafræði í hópastarfi út frá áherslum á lýðheilsu. Fjallað er um einkenni félagslegrar einangrunar þ.e. þverrandi virkni vegna breyttrar færni, líkamlegrar, félagslegrar og andlegrar, t.d. þegar einstaklingur hættir atvinnuþátttöku og líkamsfærni breytist. Kynnt er blöndun sem aðferð í hópastarfi, íhlutun og meðferð. Fjallað er um upplýsingasamfélagið og áhrif þess á líf einstaklinga. Einnig er fjallað um ólíkan lífstíl, virkni, áhugasvið og hegðun, félagsleg tengsl, heilbrigði, félagahóp og greiningu áhættuhegðunar, s.s. einangrunar og hvaða vinnubrögð og aðferðafræði á best við eftir aðstæðum.
Nemandi skal hafa öðlast þekkingu og skilning á:
helstu aðferðum og aðgerðum til að virkja sérhópa t.d. eldri borgara.
helstu leiðum til að örva frístundastarf meðal eldri borgara m.a. í hópastarfi, skapandi tómstundum og ýmiskonar listiðkun.
helstu hindrunum fyrir þátttöku í frístundastarfi eldri borgara eða fatlaðra s.s. þegar andleg og eða líkamlega færni skerðist.
samfélagsstöðu sérhópa varðandi lagasetningu og sértæka þjónustu.
fjölbreytileika þarfa og óska sérhópa.
frístundastarfi þar sem lögð er áhersla á að mæta óskum og þörfum fólks með ólík áhugasvið.
frístundastarfi í forvarnar- eða endurhæfingarskyni.
viðurkenndum matsaðferðum við greiningu einstaklinga, íhlutun og úrræði.
megineinkennum áhrifa upplýsingasamfélagsins á líf einstaklinga.
Nemandi skal hafa öðlast leikni í að:
greina aðgerðir til að virkja sérhópa.
finna helstu leiðir til að örva frístundastarf meðal eldri borgara.
sjá hindranir fyrir þátttöku í frístundastarfi þegar andleg eða líkamleg færni skerðist.
miðla lagalegum réttindum fólks til sérhæfðrar frístundaiðkunar.
ræða fjölbreytileika þarfa og óska sérhópa.
greina frístundastarf út frá ólíkum þörfum og óskum fólks á sviði frístunda.
finna og miðla frístundastarfi í forvarnar- eða endurhæfingarskyni.
ræða viðurkenndar matsaðferðir við greiningu einstaklinga, íhlutun og úrræði.
miðla megineinkennum áhrifa upplýsingasamfélagsins á líf einstaklinga.
Sjá tengsl á milli upplýsingasamfélagsins og áhættuhegðunar, s.s. einangrunar.
Nemandi skal geta hagnýtt þá almennu þekkingu og leikni sem hann hefur aflað sér til að:
nota mismunandi aðferðir til að virkja sérhópa sem metið er með hópverkefni.
skipuleggja fjölbreytt frístundastarf með fullorðnu fólki sem metið er með vettvangsathugun, skýrslu og leiðsaganarmati.
vinna með helstu hindranir fyrir þáttöku í frístundastarfi fullorðinna sem metið er með verkefni og umræðum.
leiðbeina einstaklingum um lagaleg réttindi sín er varða frístundaiðkun sem metið er með verkefni.
bregðast við fjölbreytileika þarfa og óska sérhópa sem metið er með viðtalskönnun, úrvinnslu þeirra gagna og umræðum.
skipuleggja frístundastarf þar sem lögð er áhersla á að mæta óskum og þörfum fólks með ólík áhugasvið sem metið er með verkefni.
bregðast við fjölbreytileika fólks með ólík áhugasvið, ólíkan lífstíl og fjölbreytta virkni sem metið er með verkefni, leiðsagnamati og málstofu.
skipuleggja einstök verkefni fyrir sérhópa sem metið er með verkefni.
Námsmat er að stórum hluta byggt á einstaklingsverkefnum, hópverkefnum leiðsagnamati, umræðum og málstofum. Lögð er áhersla á hagnýt og raunhæf verkefni.