Andlitsmeðferð framhaldsáfangi til sveinsprófs í snyrtifræði
ANMF3CA07
6
Andlitsmeðferð
Jurtir, ilmolíur, verkleg þjálfun og viðbótartækni með tengingu í bóklega þætti
Samþykkt af skóla
3
7
Í áfanganum er leitast við að dýpka skilning á mismunandi meðferð húðar og lögð áhersla á fjölbreytta möguleika á því sviði. Nemendur kynnast ólíkum aðferðum verkþátta bæði með og án raftækja ásamt húðhreinsun. Nemendur vinna með jurtir og ilmolíur og læra notkun þeirra í húðmeðferð. Stefnt er að því að nemendur auki hæfni sína í vali á virkri meðhöndlun og snyrtivörum með vísun í virkni þeirra og innihaldsefna. Nemendur þjálfast frekar í verklegum þáttum sem teknir voru í fyrri áföngum í andlitsmeðferð. Gerðar eru meiri kröfur til sjálfstæðra vinnubragða og frumkvæði í vali á markvissri húðmeðferð og lögð áhersla á að nemendur temji sér vönduð vinnubrögð.
Framhaldsáfangar í andlitsmeðferð samkvæmt skólanámskrá.
Nemandi skal hafa öðlast þekkingu og skilning á:
forsendum fyrir notkun heitra bakstra í húðmeðferð
mismunandi leiðum til að undirbúa húð á árangursríkan hátt til að fjarlægja stíflu og óhreinindi í húðholum s.s fílapensla og bólur.
hvernig hægt er að hreinsa og meðhöndla óhreina, stíflugjarna húð með tækjum eða kreistun
mismunandi jurtum sem hægt er að nota í húðmeðferð
virkni ilmolía á húð og skynfærum líkamans
algengustu leir- og íblöndunarefnum sem notuð eru í andlitsmaskagerð
leiðum til að auka hæfni húðar til innsíunar og hreinsunar án raftækja
hugmyndafræði og virkni þrýstipunktanudds i andlitsmeðferð og hvernig slíkt er notað sjálfstætt eða með annarri nuddtækni
hugmyndafræði og virkni nuddaðferða í andlitsmeðferð til viðbótar við hefðbundið sænskt nudd s.s heitra og kaldra steina í andlitsmeðferð eða heitskeljanudd
markvissu vali snyrtivara í meðferð og til heimanota með tilliti til innihaldsefna og virkni þeirra
Nemandi skal hafa öðlast leikni í að:
setja upp vinnuaðstöðu á skilvirkan og fljótlegan hátt
nota heita bakstra í húðmeðferð
meðhöndla húð á virkan hátt án raftækja, þ.e. auka innsíun húðar og hreinsun
velja jurtir og ilmolíur og vinna með þær á mismunandi í húðmeðferð eftir virkni, tilgangi og markmiðum meðferðar
nudda með mismunandi nuddtækni s.s. shiatsunuddi, heitsteinanuddi og/eða heitskeljanuddi
blanda mismunandi leirmaska
meðhöndla húð karlmanna og veita þeim ráðleggingar um húðmeðferð
velja á milli mismunandi meðferðar sem lærða hafa verið, með tilliti til húðgerðar, lífsstíls, fyrri meðferðar og utanaðkomandi þátta
sýna færni í verkþáttum sem lærðir voru í undanförum þ.e. yfirborðshreinsun, litun augnhára og augabrúna, plokkun augabrúna, djúphreinsun, rafmeðferð, nudd og andlitsmaskar
sýna færni í vali á snyrtivörum og rökstyðja val þeirra eftir innihaldsefnum og þörfum viðskiptavinar
forgangsraða og skipuleggja vinnu sína á markvissan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í hóp til þess að auka skilning á verklega þætti námsins og samskiptatækni
undirbúa verkþætti og hafa skilning á mikilvægi vandaðra vinnubragða og fagmannlegrar framkomu
velja viðeigandi snyrtivörur í meðferð með tilliti til ástands húðar, markmiðum meðferðar og innihaldsefna
setja upp markvissa meðferð á fleiri en einn veg og hafa hæfileika til að raða verkþáttum upp í ólíkri röð og geta skilgreint markmið og orsakatengsl verkþátta í meðferðinni
ráðleggja framhaldsmeðferð og snyrtivörunotkun á markvissan hátt með tilliti til þarfa viðskiptavinar
skilja við vinnuaðstöðu á viðeigandi hátt og sýna frágang áhalda og efna af þekkingu á mismunandi sótthreinsunarmiðlum
sýna sjálfstæði í vinnubrögðum og frumkvæði við efnistök og bera ábyrgð á eigin námsframvindu
sýna fagmannleg vinnubrögð, vera háttvís í framkomu og viðhafa persónulegt hreinlæti
Vinnueinkunn (stöðumat, skyndipróf, verkefnavinna, frammistaða í kennslustundum) og lokapróf