Í þessum byrjunaráfanga læra nemendur vinnustöðu og verklag við förðun þar sem lagður er grunnur fyrir meiri skyggingar. Nemendur læra uppsetningu, undirbúning og frágang á vinnuaðstöðu og móttöku viðskiptavina. Nemendur eru þjálfaðir í andlitsgreiningu, litavali og grunnförðun. Áhersla er lögð á að farða í samræmi við andlits- og litgreiningu ásamt réttu vöruvali.
Almennt grunnnám samkvæmt námsbrautarlýsingu snyrtibrautar.
Nemandi skal hafa öðlast þekkingu og skilning á:
mismunandi andlitslögun og litarhætti einstaklinga
vörum sem notaðar eru fyrir grunnförðun
mismunandi farða og geti valið hann fyrir viðskiptavin út frá litarhætti
efnum sem notuð eru til að þrífa og sótthreinsa áhöld sem notuð eru í förðun
hvernig góð vinnustaða er við förðun
hve háttvísi í framkomu er mikilvæg
hve fagleg hæfni í móttöku og samskiptum við viðskiptavin er mikilvæg
Nemandi skal hafa öðlast leikni í að:
setja upp vinnuaðstöðu fyrir förðun
taka á móti viðskiptavini, greina andlit og litarhátt hans
velja viðeigandi efni og liti á farða og förðunarvörum viðskiptavinar
veita viðskipavini grunnförðun í samræmi við andlitsgreiningu
geta átt samskipti við viðskiptavin um leið og hann er farðaður
þrífa og sótthreinsa áhöld og ganga frá vinnuaðstöðu á viðeigandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í hópi til að auka skilning á verkþáttum og auka samskiptahæfni
undirbúa vinnuaðstöðu fyrir förðun
hafa skilning á vönduðum vinnubrögðum, háttvísi og fagmannlegri framkomu
sýna sjálfstæð vinnubrögð í vali á farða fyrir viðskiptavini
greina andlit og ákveða förðun og viðeigandi efnisnotkun fyrir viðkomandi
skyggja og lýsa eftir andlitslögun
velja liti með tilliti til húð-, augn-, og háralitar
ganga frá vinnuaðstöðu, efnum og áhöldum á viðeigandi hátt
Símatsáfangi
• Vinnufærni nemandans er metin á önninni með leiðsagnarmati á verklegri vinnu þar sem nemandi velur efni til að vinna með, greinir andlit og farðar, í byrjun á samnemendum og síðan á utanaðkomandi aðilum.
• Krafa er um vönduð vinnubrögð og háttvísi í framkomu og er hún ein af forsendum þess að nemandi standist áfangann.
• Þekking er metin með skriflegum könnunum og verkefnum sem unnin eru heima.