Í áfanganum er farið í litun augnhára og augabrúna og að móta augabrúnir í samræmi við augnumgjörð. Farið verður í hvernig permanent er sett í augnhár.
Almennt grunnnám samkvæmt námsbrautarlýsingu snyrtibrautar.
Nemandi skal hafa öðlast þekkingu og skilning á:
mismunandi efnum sem notuð eru við litun augnhára og augabrúna
leiðum til að móta augabrúnir út frá andlitslagi og augnumgjörð
forsendum fyrir litavali og litablöndun
hvernig augnhár eru meðhöndluð með augnhárapermanenti
efnum sem notuð eru við augnhárapermanent og áhrif þess á hár
frábendingum og varúðarráðstöfunum við litun og augnhárapermanent
Nemandi skal hafa öðlast leikni í að:
setja upp vinnuaðstöðu fyrir litun augnhára og augabrúna
sýna undirbúning fyrir litun augnhára og augabrúna
mæla augnumgjörð með tilliti til litunar og plokkunar augabrúna
velja lit og blanda mismunandi tóna eftir lit og grófleika hára
blanda lit með mismunandi festi s.s. kremi, töflum, vökva
lita augnhár með mismunandi augnpúðum (bómull, bréfi eða plasti) og áhöldum s.s. tré- eða plastpinna eða pensli
lita augabrúnir með mismunandi áhöldum s.s. tré- eða plastpinna, pensli eða bursta
beita áhöldum rétt við augabrúnaplokkun
plokka augabrúnir og móta augabrúnir í samræmi við andlitsfall og augnumgjörð
Nemandi skal geta hagnýtt þá almennu þekkingu og leikni sem hann hefur aflað sér til að:
lita augnhár og augabrúnir með því að sýna viðeigandi undirbúning, litablöndun og framkvæmd verkþáttar
sýna viðeigandi handtök við plokkun augabrúna og geta verið ráðgefandi varðandi mótun þeirra
sýna varúð við notkun efna sem notuð eru í verkþættinum og fylgja leiðbeiningum um notkun þeirra
sýna snyrtimennsku við litun augnhára og augabrúna og vera ráðgefandi varðandi litaval
Símat þar sem vinnueinkunn í áfanganum er lokamat (tímaverkefni, skyndipróf, verklegt mat á önn og frammistaða í kennslustundum).