Andlitsmeðferð lokaáfangi til sveinsprófs í snyrtifræði
ANMF4DA05(FB)
2
Andlitsmeðferð
Sérmeðferðir – verk- og bóktengdur áfangi
Samþykkt af skóla
4
5
FB
Áfanganum er skipt í lotur þar sem nemendur tileinka sér nýjungar í húðmeðferð og fá tækifæri til að kynnast mismunandi sérmeðferðum og tækjum sem hægt er að nota við andlitsmeðhöndlun. Hverri lotu er lokið með skriflegu lotuprófi. Leitast er við að nemendur fái samanburð og kynnist hvort fræðilegur ávinningur af húðmeðferð standist væntingar um árangur. Áfanginn er kenndur samhliða SÞJÁ áfanganum sem er þjálfun á snyrtistofu.
Framhaldsáfangar A í andlitsmeðferð samkvæmt námsbrautarlýsingu snyrtibrautar.
Nemandi skal hafa öðlast þekkingu og skilning á:
helstu straumgerðum sem eru notaðar við vöðvastyrkjandi meðferð
helstu tækninýjungum sem fram koma í húðmeðferðum s.s hljóðbylgjum, leysi og IPL og LED ljósgeislameðferð
blöndun ýmiss konar rafstrauma við meðhöndlun
efnum sem notuð eru við ýmiss konar sérmeðhöndlun húðar s.s. hydroxíðsýrur og lífvirkum efnum
markmiðum og virkni andlitsmaska sem tilheyra sérmeðhöndlun (hita-, gúmmí-, kollagenmaska o.s.frv.)
húðslípunaraðferðum sem eru í boði á markaðnum hverju sinni (kristöllum, demantsslípun), forsendur fyrir vali og virkni meðferðar
forsendur fyrir vali á sérmeðferð fyrir viðskiptavin og víxlverkun þeirra
Nemandi skal hafa öðlast leikni í að:
nota alfahydroxíðsýru-meðferð á mismunandi hátt
vinna með sértækar efnameðferðir sem í boði eru á snyrtistofum hverju sinni (s.s. C-vítamín, gegn litaflekkjum o.s.frv.)
vinna með rafræna vöðvastyrkjandi meðhöndlun fyrir andlit (örstraum og hljóðbylgjur)
vinna með tæki til húðslípunar með kristöllum
setja á ýmsa andlitsmaska sem tilheyra sérmeðhöndlun eins og t.d. hitamaska (vax, leir), gúmmímaska, kollagenmaska o.s.frv.
velja á milli mismunandi meðferðar með tilliti til húðgerða, lífsstíls, fyrri meðferðar og utanaðkomandi þátta
rökstyðja forsendur fyrir vali sérmeðferðar
forgangsraða og skipuleggja vinnu sína á markvissan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í hóp til þess að auka skilning á verklega þætti námsins og samskiptatækni
undirbúa verkþætti og hafa skilning á mikilvægi vandaðra vinnubragða og fagmannlegrar framkomu
velja viðeigandi snyrtivörur í meðferð með tilliti til ástands húðar, markmiðum meðferðar og innihaldsefna
vinna viðeigandi meðferð hverrar lotu með skilning á virkni og færni í vinnubrögðum
greina á milli raunvirkni og árangurs meðferðar eftir ólíkum einstaklingum með tilliti til aldurs og fyrri húðmeðferða
velja markvissa einstaklingsmiðaða meðferð sem nær yfir ákveðið tímabil til að ná settum árangri fyrir húðgerðina
skilja við vinnuaðstöðu á viðeigandi hátt og sýna frágang áhalda og efna af þekkingu á mismunandi sótthreinsunarmiðlum
sýna sjálfstæði í vinnubrögðum og frumkvæði við efnistök og bera ábyrgð á eigin námsframvindu
hafa viðeigandi samskiptatækni við viðskiptavini, vera háttvís í framkomu og viðhafa persónulegt hreinlæti
Lotuskiptur símatsáfangi (vinnueinkunn í lotum, lotupróf, skýrslur og verkefnavinna)