Í áfanganum er farið í fjölbreytileika mannlegrar hegðunar og tilfinninga. Nemendur fá aukinn skilning á mannlegum samskiptum og mikilvægi þeirra á starfi sínu á snyrtistofu. Lögð er áhersla á að nemendur skilji hve fagmannleg framkoma og rétt líkamsbeiting er mikilvæg til árangurs í starfi. Þá læra nemendur um sölu, kynningu og markaðssetningu á snyrtivörum og þjónustu snyrtifræðinga.
Almennt grunnnám samkvæmt námsbrautarlýsingu snyrtibrautar.
Nemandi skal hafa öðlast þekkingu og skilning á:
grundvallarreglum um persónulegt hreinlæti vegna nándar í þjónustustarfi
æskilegum og óæskilegum þáttum í fari fagmanns við þjónustustörf
muni á góðri og slæmri líkamsstöðu
æskilegu og óæskilegu umræðuefni við vinnu á snyrtistofu
grundvallarlögmálum almennrar siðfræði
aðferðum til þess að ná athygli viðskiptavinarins með t.d. mismunandi kynningu og staðsetningu á vörum
Nemandi skal hafa öðlast leikni í að:
nota líkamann með eðlilegum hætti við vinnu sína
meta viðeigandi umræðuefni við samstarfsfólk og utanaðkomandi aðila á vinnustað sínum
selja snyrtivörur og þjónustu til mis¬mun¬andi viðskiptavina við ólíkar aðstæður á meðvitaðan og markvissan hátt
meta þarfir einstaklinga fyrir sölu og ráðgjöf á snyrtivörum og notkun þeirra
meta gildi líkamstjáningar í samskiptum við einstaklinga
Nemandi skal geta hagnýtt þá almennu þekkingu og leikni sem hann hefur aflað sér til að:
vera hæfari til að taka á móti utanaðkomandi einstaklingi og meta hvaða eiginleikar eru æskilegir til að mynda þægilegt andrúmsloft og vinnuumhverfi
vera meðvitaður um æskilega þætti sem auka þjónustufærni og viðmót til einstaklinga
leggja áherslu á fagmannlega framkomu og samskipti við sölu á snyrtivörum og þjónustu
nota æskilegar vinnustöður s til að auka vinnufærni og draga úr hættu á álagssjúkdómum
Símat sem byggist á vinnueinkunn í áfanganum (verkefnavinna, skyndipróf og frammistaða í kennslustundum)