Nemendur læra að setja upp vefsíður í CMS vefumsjónarkerfi eins og t.d. Joomla. Nemendur hanna og byggja upp vefsíður með ýmsa notkunareiginleika í huga. Reynt er að láta verkefni líta út fyrir að vera sem raunverulegust. Nemendur vinna stórt lokaverkefni í áfanganum og mega vinna það í samvinnu við fyrirtæki á svæðinu.
HESI2HV04
Nemandi skal hafa öðlast þekkingu og skilning á:
hvernig vefsíður eru uppbyggðar í grunninn
hvernig stílsíður (CSS) virka
notkunareiginleikum vefumsjónarkerfa
Nemandi skal hafa öðlast leikni í að:
setja upp síðu frá grunni sem HTML og aðlaga með CSS
setja upp Joomla hugbúnaðarpakkann
setja upp síðu í Joomla vefumsjónarkerfinu
stilla aðgangstakmarkanir notenda í Joomla vefumsjónarkerfinu
framkvæma uppfærslur á kerfinu
Nemandi skal geta hagnýtt þá almennu þekkingu og leikni sem hann hefur aflað sér til að:
setja upp vefsíðu í Joomla vefumsjónarkerfinu frá grunni
geta tekið að sér kerfisstjórn vefsíðna sem eru vistaðar í Joomla vefumsjónarkerfinu
Lögð verður áhersla á fjölbreytt námsmat. Metin verða verkefni af ýmsu tagi sem nemendur leysa í kennslustundum og/eða heima.