leskilningur, málnotkun, máltaka, ritun og tjáning
Samþykkt af skóla
1
5
Áfanginn byggist upp á lestri ýmissa texta s.s skáldsagna, smásagna, þjóðsagna, ljóða og dægurlagatexta.
Jafnframt eru nemendur þjálfaðir í ritun af ýmsum toga. Áhersla er lögð á að nemendur efli málfærni sína
og lesskilning með því að lesa og skrifa mismunandi texta. Leitast er við að fá nemendur til að lesa texta
sér til ánægju og einnig eru þeir þjálfaðir í ólíkum gerðum ritsmíða bæði skapandi skrifum og nytjatextum.
Farið er í helstu hugtök bókmenntafræðinnar og nemendum kennt að beita þeim við lestur og túlkun texta.
C-D í hæfnieinkunn í íslensku úr grunnskóla
Nemandi skal hafa öðlast þekkingu og skilning á:
bókmenntahugtökum
einfaldri greiningu bókmenntatexta
Nemandi skal hafa öðlast leikni í að:
beita bókmenntahugtökum
beita tungumálinu í rituðu og töluðu máli
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa læsilegan texta
notfæra sér hjálpargögn við lestur og ritun
túlka bókmenntatexta og miðla þekkingu sinni á honum til annarra
Notast verður við fjölbreyttar námsmatsaðferðir en í því felst m.a. að nemendur vinna með námsefnið á margvíslegan hátt og leysa ýmis konar verkefni bæði skriflega og munnlega. Gera má viðveru og virka þátttöku að skilyrði til að standast áfangann.