Síðasti fatasaumsáfangi fyrir lokaverkefni. Í þessum áfanga vinna nemendur sjálfstætt og þurfa öguð vinnubrögð og skipulag. Kennari skipuleggur ekki tíma nemenda heldur setur nemandinn upp skipulagið til samþykktar. Þekking dýpkuð í sniðum og saum sem er fylgt eftir í heimaæfingum og heimaprófum. Í saumtækni verða kenndar aðferðir í fínni saum t.d. paspóleruð hnappagöt, lokuföll, fóðraðar klaufir, falin hnepping o.fl. Nemendur læra aðferðina í kennslustund og þarf að endurtaka heima til að efla sjálfstæð vinnubrögð sem eru grundvöllur fyrir lokaáfangann.
FATA2SH05 og/eða FATA2FF05
Nemandi skal hafa öðlast þekkingu og skilning á:
fínni saumtækni
sniðagerð með fínni smáatriðum
gerð framkvæmdaáætlunar
raða verkefninu upp í rétta röð
Nemandi skal hafa öðlast leikni í að:
vinna eftir framkvæmdaáætlun
vinna sjálfstætt
skipuleggja vinnu og tíma
Nemandi skal geta hagnýtt þá almennu þekkingu og leikni sem hann hefur aflað sér til að:
vinna að flík sem er flókin
geta útskýrt val á aðferðum í sniðtækni
geta saman framkvæmdaáætlun
bera ábyrgð á verkefni
geta unnið undir álagi og tímapressu
Símat, heimapróf og saumtækniverkefni í tíma eru metin. Framkvæmdaáætlun og svo skipulag á vinnu. Virkni í tímum og skil á verkefnum. Lokaafurðir yfirfarnar og metnar.